មានរឿងអីបាន Selena Gomez ត្រូវប៉ូលិសចាប់វាយខ្នោះទាំងយប់?

មានរឿងអីបាន Selena Gomez ត្រូវប៉ូលិសចាប់វាយខ្នោះទាំងយប់?

តារាចម្រៀងអាមេរិក Selena Gomez ត្រូវបានប៉ូលិសចាប់វាយខ្នោះទាំងយប់ ខណៈនាងនិងមិត្តភ័ក្តិបានបង្ករឿងក្នុងក្លឹប។ ប៉ុន្តែកុំយល់ច្រឡំថាយ៉ាងម៉េច ការពិតនេះគឺជាឈុតឆាកគួរឲ្យចាប់អារម្មណ៍មួយក្នុងខ្សែភាពយន្តថ្មីរបស់នាងតែប៉ុណ្ណោះ។

ឆាប់ៗនេះតារាវ័យ២១ឆ្នាំ Selena Gomez និងបង្ហាញទេពកោសល្យសម្ដែង និងរូបរាងដ៏មានមន្តស្នេហ៍របស់នាងក្នុងខ្សែភាពយន្តថ្មីមួយគឺរឿង “Behaving Badly”។

“Behaving Badly” គឺជាខ្សែភាពយន្តកំប្លែងថ្មីបែបយុវវ័យ ដែលតារាស្រីកំណាន់ចិត្តរបស់ Justin Bieber រូបនេះ សម្ដែងជាតួឯកជាមួយតារាសម្ដែងវ័យក្មេងរូបសង្ហា Nat Wolff។ ខ្សែភាពយន្តនេះគឺជាការដឹកនាំដោយលោក Tim Garrick។
“Behaving Badly” នឹងចាប់ផ្ដើមបញ្ចាំងនៅសហរដ្ឋអាមេរិក នៅថ្ងៃទី១ ខែសីហា ខាងមុខនេះ។

Selena Gomez បានចាប់ផ្ដើមប្រឡូកក្នុងការសម្ដែងមុនចម្រៀង ពោលគឺតាំងពីនាងមានអាយុ ៩ឆ្នាំម្ល៉េះ ដោយរឿងដំបូងរបស់នាងមានចំណងជើងថា “Barney & Friends” និងបានបន្ដថតរឿងភាគ និងភាពយន្តជាច្រើនទៀតរបស់ប៉ុស្តិ៍ Disney ដូចជា “Wizards of Waverly Place”, និង “Jonas Brothers: Living the Dream” ជាដើម។ ចំពោះភាពយន្តថ្មីៗរបស់នាងមានដូចជារឿង “Monte Carlo”, “Spring Breakers”, និង “Getaway”។

ចង់ដឹងថាខ្សែភាពយន្តថ្មី “Behaving Badly” របស់នាងគួរឲ្យចាប់អារម្មណ៍យ៉ាងណានោះ ទស្សនា trailer ថ្មីដែលទើបចេញកាលពីព្រហស្បតិ៍ទាំងអស់គ្នា៖