បុរសម្នាក់ទិញសាំងចាក់ម៉ូតូដូចយកមកដុតខ្លួនឯងបណ្តាលរបួសធ្ងន់

បុរសម្នាក់ទិញសាំងចាក់ម៉ូតូដូចយកមកដុតខ្លួនឯងបណ្តាលរបួសធ្ងន់

ខេត្តបន្ទាយមានជ័យ ៖ បុរសម្នាក់ទិញសាំងមកចាក់ម៉ូតូដូចដុតខ្លួនឯងបណ្តាលឱ្យរបួសធ្ងន់កំពុងសម្រាកព្យាបាលនៅមន្ទីរពេទ្យមិត្តភាពកម្ពុជា.ជប៉ុនមង្គលបូរី ខេត្តបន្ទាយមានជ័យកាលពីយប់ ថ្ងៃទី០២ កក្តដា ២០១៤។

បុរសរងគ្រោះមានឈ្មោះ អាន សុភ័ក្រ អាយុ២៥ឆ្នាំ ដែលមានប្រពន្ធឈ្មោះធុង វេត អាយុ២៧ឆ្នាំមានកូនប្រុស ម្នាក់ដែលមានមុខរបបកសិកររស់នៅភូមិកំពង់ក្រសាំង ឃុំភ្នំលៀប ស្រុកព្រះនេត្រព្រះខេត្តបន្ទាយមានជ័យ។

តាមសម្តីប្រពន្ធជនរងគ្រោះឈ្មោះ ធុង វេត បានប្រាប់ថាមុនពេលរងគ្រោះដោយឆេះភ្លើងបណ្តាលឱ្យរបួសពេញខ្លួនគឺប្តីរបស់គាត់បំរុងទៅមើលទ្រូនៅវាលស្រែហើយចុះមកធាក់ម៉ូតូមិនឆេះនិងបាន បើកគម្របសាំងមើលទើបដឹងថាអស់សាំង ហើយក៏បានទៅទិញសាំង១លីត្រយកមកចាក់។ពេលដែលកាន់ដបសាំងដៃឆ្វេងហើយកេះដែកភ្លើងបំរុងជក់បារីក៏បណ្តាលឱ្យឆាបឆេះសន្ធោសន្ធៅពេញខ្លួនហើយរមៀលខ្លួនឱ្យរលត់តែត្រូវបានអ្នកជិតខាងជួយពន្លត់របួសពេញខ្លួនប្រាណ។

ក្រោយពេលដែលគ្រោះថ្នាក់រលៀកពេញដងខ្លួនសាច់ញ្ញាតិបានបញ្ជូនទៅមន្ទីរពេទ្យបង្អែកស្រុកព្រះនេត្រព្រះនិងដឹកបន្តទៅកាន់មន្ទីរពេទ្យមិត្តភាពកម្ពុជា-ជប៉ុនមង្គលបូរី។បើតាមគ្រូពេទ្យបាននិយាយថាស្ថានភាពជនរងគ្រោះមានសភាពធ្ងន់ធ្ងរ។ ជនរងគ្រោះមានជីវភាពក្រីក្របានដង្ហោយរកជំនួយសម្រាប់ព្យាបាលជំងឺ។

ជនរងគ្រោះរលាកពេញខ្លួន