ថៃផ្ដល់ប្រាក់កម្ចី ១៣៧ពាន់លានបាតដល់កសិករក្នុងរដូវប្រមូលផលឆ្នាំនេះ

ថៃផ្ដល់ប្រាក់កម្ចី ១៣៧ពាន់លានបាតដល់កសិករក្នុងរដូវប្រមូលផលឆ្នាំនេះ

ធនាគាររដ្ឋកសិកម្ម និងសហប្រតិបត្តិការកសិកម្មថៃ (BAAC) បានសម្រេចផ្ដល់ប្រាក់កម្ចីយ៉ាងតិច ១៣៧ ពាន់លានបាត ក្នុងអត្រាការប្រាក់ទាបដល់កសិករដាំស្រូវនៅក្នុងរដូវប្រមូលផលឆ្នាំនេះ ដែលជាផ្នែកមួយនៃចំណាត់ការរបស់រដ្ឋាភិបាលយោធា ដើម្បីជួយប្រទេសរបស់ខ្លួនពីការធ្លាក់ចុះនៃតម្លៃស្រូវអង្ករ។

លោក Luck Wajananawat ប្រធាន BAAC បាននិយាយថា ផ្នែកមួយនៃប្រាក់កម្ចីដែលមានចំនួន ១៧ ពាន់លានបាត នឹងត្រូវផ្ដល់ឲ្យកសិករ ដែលមានដីស្រែនៅតំបន់ខ្ពង់រាបខាងជើង និងភាគឦសាន ដើម្បីជំរុញពួកគេឲ្យពន្យារពេលលក់ទិន្នផលស្រូវ ដើម្បីជៀសផុតពីការធ្លាក់ថ្លៃ។ ២០ ពាន់លានបាតផ្សេងទៀត នឹងត្រូវចំណាយលើកិច្ចសហប្រតិបត្តិការកសិកម្ម ក្នុងការទិញស្រូវដោយផ្ទាល់ពីកសិករ ដើម្បីធ្វើការវេចខ្ចប់លក់បន្ត។

Thailand-Rice-Export-Bloomberg-Foto

ជាមួយនឹងចំណាត់ការនេះ ធនាគារកសិកម្មថៃ រំពឹងថានឹងពន្យារការលក់ទិន្នផលស្រូវរហូតដល់៤,៥ លានតោន។
ធនាគារថៃនឹងបន្ថែមទឹកប្រាក់ ១០០ ពាន់លានបាតទៀតសម្រាប់ឲ្យកសិករ ២,៣ លាននាក់ខ្ចី ដោយម្នាក់អាចខ្ចីបាន៥០ ០០០ បាត។ ចំពោះការប្រាក់វិញគឺត្រឹមតែ ៣% ក្នុងរយៈពេល ៦ ខែ ដែលទាបជាងអត្រាការប្រាក់អប្បបរមា(MLR)។

ទិន្នផលស្រូវរបស់ប្រទេសថៃដែលនឹងប្រមូលបានលើកទី២ ក្នុងឆ្នាំ ២០១៤-២០១៥ រំពឹងថានឹងទទួលបាន ២៨ លានតោន ដែល ២០ លានតោនសម្រាប់នាំចេញទៅលើទីផ្សារ ហើយ ៨ លានតោនទៀតទុកសម្រាប់ផ្គត់ផ្គង់ដល់កសិករ និងបង្កាត់ពូជថ្មី។ ការធ្វើបែបនេះ វានឹងដាក់សម្ពាធបន្ថែមទៀតចំពោះ តម្លៃស្រូវលើទីផ្សារដែលមានឱនភាពទៅហើយនោះ។

យល់យ៉ាងណាដែរ ចំពោះចំណាត់ការរបស់រដ្ឋាភិបាលយោធាដែលទើបធ្វើរដ្ឋប្រហារមួយនេះ?

ខប្រភពពី: sabay

មុន បន្ទាប់

មតិយោបល់