ហេតុផល ៧ យ៉ាងធ្វើឲ្យអាជីពរបស់អ្នកបរាជ័យ

ហេតុផល ៧ យ៉ាងធ្វើឲ្យអាជីពរបស់អ្នកបរាជ័យ

មនុស្សយើងម្នាក់ៗបានចំណាយពេលពេញមួយជីវិត ដើម្បីពង្រឹងអាជីព និងធ្វើឲ្យខ្លួនឯងកាន់តែល្បីល្បាញមានគេទទួលស្គាល់កាន់តែច្រើន។ ប៉ុន្តែអ្នកខ្លះអាចទទួលបានជោគជ័យ ចំណែកឯអ្នកខ្លះបែរជាបរាជ័យ។ តើប្រិយមិត្តមានដែលឆ្ងល់អត់ អ្វីដែលជាឧបសគ្គរារាំងអ្នកមិនឲ្យសម្រេចជោគជ័យតាមការចង់បាននោះ?

overwhelmed-businesswoman

ខាងក្រោមនេះគឺជាហេតុផលដ៏សាមញ្ញបំផុតដែលធ្វើអាជីពរបស់អ្នកបរាជ័យ។

១. មិនព្យាយាម
នេះគឺជាហេតុផលធម្មតាបំផុតមួយ ដែលធ្វើអោយជីវិតរបស់អ្នកបរាជ័យគ្រប់រឿងទាំងអស់។ សាកគិតលេងៗមើលទៅ បើមិនព្យាយាមផង ធ្វើម៉េចនឹងបានសម្រេចកើត? បើអ្នកមិនចាក់ឆ្នោតទេ តើអ្នកសង្ឃឹមឈ្នះអត់? ដូចនេះ ត្រូវព្យាយាមធ្វើទើបទទួលបានជោគជ័យ។

អានអត្ថបទ៖ សម្គាល់មនុស្សមានជំងឺស្ត្រេសតាមរយៈសកម្មភាព១១យ៉ាងនេះ

២. មើលរំលងកំហុសខ្លួនឯង
ការមើលរំលងកំហុសខ្លួនឯងមិនត្រឹមតែជះឥទ្ធិពលអាក្រក់ប៉ុណ្ណោះទេ ប៉ុន្តែវាថែមទាំងរំខានដល់អ្នកដទៃខ្លាំងផងដែរ។ អ្នកខ្លះមើលឃើញតែកំហុសរបស់អ្នកដទៃ ប៉ុន្តែមិនដែលចាប់អារម្មណ៍ពីកំហុសរបស់ខ្លួនឯងទេ។ នៅពេលដែលអ្នកមិនខ្វល់ពីកំហុសខ្លួនឯងបែបនេះ គឺមានន័យថាអ្នកមិនអាចគ្រប់គ្រងជីវិតរបស់អ្នកបាន និងគ្មានលទ្ធភាពសម្របខ្លួនទៅនឹងលក្ខខណ្ឌជុំវិញខ្លួនទេ។ នេះគឺជាហេតុផលដែលធ្វើឲ្យជីវិតរបស់អ្នកបរាជ័យ។

៣. ខ្លាចបរាជ័យ

fear-of-failure

មនុស្សគ្រប់រូបភ័យខ្លាចបរាជ័យ។ នៅពេលដែលអ្នកបរាជ័យលើរឿងអ្វីមួយ វាបង្ហាញអោយឃើញថាអ្នកមិនទាន់ល្អគ្រប់គ្រាន់ ឬមិនទាន់បានរៀបចំ ដើម្បីសម្រេចនូវគោលបំណងនោះ។ ភាពភ័យខ្លាចធ្វើអោយអ្នកបាត់បង់កម្លាំងចិត្ត ក្នុងការសម្រេចក្ដីសុបិនទាំងឡាយ។ ដូចនេះបើអ្នកភ័យខ្លាចបរាជ័យក្នុងការចាប់ផ្ដើមអាជីពរបស់អ្នក នោះវាក៏ពុំអាចសម្រេចជោគជ័យបានដែរ។

៤. ធ្វើតាមអ្នកដទៃដោយបង្ខំ
ពេលខ្លះអ្នកផ្សេងទៀត ពិសេសគឺឪពុកម្ដាយរបស់អ្នកតែម្ដង បានព្យាយាមឲ្យអ្នកជ្រើសរើសអាជីពតាមការចង់បានរបស់ពួកគាត់។ ជាការពិតណាស់ នៅពេលដែលអ្នកមិនចង់ធ្វើអ្វីមួយ អ្នកនឹងមិនព្យាយាមខ្លាំង ដើម្បីធ្វើវារហូតបានសម្រេចនោះទេ ដូចនេះអាជីពរបស់អ្នកក៏បរាជ័យទៅតាមនោះដែរ។

អានអត្ថបទ៖ វិធីបង្កើតគម្រោងអាជីវកម្មមួយទំព័រ

៥. មិនបន្តមហិច្ឆតារបស់ខ្លួន
មនុស្សភាគច្រើន មិនហ៊ានស្រមើស្រមៃខ្ពស់ទេ ព្រោះចេះតែគិតថាខ្លួនគ្មានសមត្ថភាព ឬមិនអាចសម្រេចនូវក្ដីស្រមៃនោះបាន។ ប៉ុន្តែវាមិនមែនបែបនោះទេ អ្នកត្រូវមានក្ដីសុបិនដ៏ធំមួយ ហើយត្រូវមានសង្ឃឹមថាអ្នកនឹងអាចធ្វើវាបានសម្រេចជោគជ័យ។

៦. ខ្វះទំនុកចិត្ត និងការតាំងចិត្ត

8-lack-confidence

មនុស្សមួយចំនួនបរាជ័យនៅក្នុងអាជីពរបស់ខ្លួន ពីព្រោះតែពួកគេខ្វះនូវទំនុកចិត្ត និងការតាំងចិត្ត ឬមកពីខ្ជិលតែម្ដង។ អ្នកខ្លះគេខំប្រឹងចំណាយពេលយ៉ាងយូរ ដើម្បីស្វែងរកនូវអាជីពមួយ ហើយព្យាយាមពង្រឹងនូវសមត្ថភាពរបស់ពួកគេ ចំណែកឯអ្នកខ្លះទៀតបែរជាខ្ជិល រង់ចាំអ្វីៗកើតឡើងដោយគ្មានការប្រឹងប្រែង។ ត្រូវមានទំនុកចិត្ត និងការជឿជាក់លើខ្លួនឯង ទើបអាជីពរបស់លោកអ្នកទទួលបាននូវភាពជោគជ័យ។

អានអត្ថបទ៖ ចំណុចពិសេសទាំង១០យ៉ាងរបស់មនុស្សឆ្លាតវៃ ដែលអ្នកគួរយកតម្រាប់តាម

៧. មានជម្រើសការងារតិចពេក
ជម្រើសការងារតិចតួចពេកក៏ជាមូលហេតុមួយ ដែលធ្វើឲ្យអាជីពក្នុងជីវិតរបស់អ្នកបរាជ័យផងដែរ។ នៅពេលគ្មានជម្រើស អ្នកនឹងចាប់យកការងារមួយដែលមិនមែនជាការចង់បានរបស់ខ្លួន ហើយវាអាចនឹងបរាជ័យ ដោយសារអ្នកគ្មានកម្លាំងចិត្តនឹងធ្វើការងារទាំងនោះ។ តែទោះជាអ្នកមិនអាចរកបាននូវការងារល្អមួយតាមការចង់បានក៏ដោយ ឲ្យតែមានឆន្ទៈក្នុងការធ្វើវា ភាពជោគជ័យនៅតែអាចកើតមានបានក្នុងអាជីពរបស់លោកអ្នក។

ទាំងនេះ គឺជាហេតុផល ដែលធ្វើឲ្យមនុស្សបរាជ័យក្នុងការសម្រេចគោលដៅអាជីពរបស់ខ្លួន។ ដូចដែលយើងបានឃើញស្រាប់ហើយ ភាពភ័យខ្លាចគឺជាឧបសគ្គចម្បងបំផុត ដែលរាំងស្ទះមិនឲ្យអ្នកសម្រេចជោគជ័យ។ ដូចនេះ មិនត្រូវរារែក ឬភ័យខ្លាចក្នុងការធ្វើអ្វីមួយនោះទេ។

គិតខ្លួនឯងសាកមើល៍ តើអ្នកកំពុងមានបញ្ហាណាមួយក្នុងចំណោមបញ្ហាទាំង ៧ ខាងលើនេះ?

ប្រភពះsabay

មុន បន្ទាប់

មតិយោបល់