អ្នកមានជំងឺខ្សោយបេះដូង ចង់ឲ្យអាជ្ញាធរទប់ស្កាត់ក្រុមជិះម៉ូតូធំ បំពងសំឡេងឮខ្លាំងៗពេលយប់
សំឡេងឮខ្លាំងៗ បន្លឺចេញពីបំពង់ស៊ីម៉ាំងម៉ូតូធំ ដែលចរាចរណ៍នៅលើដងផ្លូវ បានបង្កជាការរំខានដល់ប្រជាពលរដ្ឋទូទៅ ជាពិសេសអ្នករស់នៅក្នុងរាជធានីភ្នំពេញនាពេលយប់ជ្រៅ។ សំឡេងរំខានទាំងនេះ បានកើតមានច្រើន ក្រោយពីយុវជនមួយចំនួនមានទំនោរកាន់តែច្រើនឡើងបំពាក់បំពង់ស៊ីម៉ាំងឮៗ។
តើយុវជនយល់យ៉ាងចំពោះសំឡេងឮបែបនេះ?
ប្រាជ្ញ ចេវ អតីតនិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានបង្ហាញអារម្មណ៍ខឹងសម្បាជាខ្លាំង ខណៈសំឡេងបែបនេះ បានជិះចេញមកពីក្រោយខ្នងម្តងៗ ស្ទើរសល់អស់ព្រលឹង។ ម្យ៉ាងនៅពេលយប់ក៏មាន ឮសំឡេងរំខានបែបនេះច្រើនដែរ។ “ខ្ញុំមិនដឹងពួកគេដាក់បំពង់ស៊ីម៉ាំងបែបនេះ ក្នុងបំណងអីទេ។ ប៉ុន្តែអ្នកជិះម៉ូតូខ្លះ បានលើកថា ធ្វើបែបនេះ ដើម្បីឲ្យអ្នកដំណើរប្រើប្រាស់ផ្លូវជាមួយគ្នាជៀសគេ ពេលឮសំឡេងនេះ” ។ ប្រាជ្ញ ចេវ បន្ថែម។
រូបតំណាង
“ខ្ញុំធ្លាប់ឮសំឡេងនេះញឹកញាប់ដែរបង។ វារំខានខ្លាំងណាស់ ឡើងប្រហោងពោះម្តងៗ” ។ ទាំងនេះគឺជាសម្ដីរបស់ កញ្ញា រ័ត្ន និស្សិតវិទ្យាស្ថានវ៉ានដាគណនេយ្យ។ យុវជនខ្លះយល់ថា ការបំពាក់បំពង់ស៊ីម៉ាំងឮៗ បែបនេះជាការសប្បាយ។ ប៉ុន្តែទោះយ៉ាងណាគួរមានសីលធម៌ និងគិតពីផលរំខានដល់អ្នកដទៃផងដែរ។ ដូច្នេះអាជ្ញាធរគួរមានវិធានការលើករណីនេះ។
យុវជន សេង សុផាត អតីតនិស្សិតសាកលវិទ្យាល័យជាតិគ្រប់គ្រងឲ្យដឹងថា រឿងនេះ ពិតជាប៉ះពាល់ តែនេះក៏ជាសិទ្ធិរបស់យុវជនទាំងនោះ។ ប៉ុន្តែជាសិទ្ធិយើងមែន អ្នកជិះម៉ូតូធំហ្នឹងក៏ត្រូវគិតពីសិទ្ធិអ្នកដទៃផងដែរ។ “វាធ្វើឲ្យប៉ះពាល់អារម្មណ៍ ប្រជាពលរដ្ឋអ្នករួមដំណើរដូចគ្នា ក៏ដូចជាពលរដ្ឋនៅតាមផ្ទះនៅពេល ដែលពួកគេជិះកាត់ម្តងៗ។ ពិតមែនហើយវាឡូយសង្ហារ សម្រាប់ខ្លួនឯង ដែលបំពាក់បំពង់ស៊ីម៉ាំងឮខ្លាំងៗ ។ តែទន្ទឹមគ្នានឹងក៏មានអ្នករិះគន់មិនតិចនាក់ទេ។ អ្នកខ្លះដាក់បណ្ដាសារ ដាក់ទំនាយពេលភ្ញាក់នឹងសំឡេងឮខ្លាំងៗបែបនេះ”។
លោក ប៉ូ សំណាង ប្រធានមជ្ឈមណ្ឌល ជាតិ និងសីលធម៌សង្គមបានយល់ថា បញ្ហានេះកើតឡើង ដោយសារការធ្លាក់ចុះសីលធម៌ សង្គមខ្មែរ ជាពិសេសនៅក្នុងចំណោមយុវជនតែម្តង។ កូនខ្មែរសុភាពរាបសារណាស់។ ប៉ុន្តែដោយសារការឆ្លងកាត់សង្គ្រាមរ៉ាំរ៉ៃជាច្រើនទស្សនវត្ស ការធ្លាក់ចុះវិស័យអប់រំ ទើបធ្វើឲ្យប្រភពនៃការយល់ដឹងរបស់មនុស្សមានកម្រិតបែបនេះ។ បើតាមលោក ប៉ូ សំណាង អាណាព្យាបាលគឺជាបុគ្គលដ៏សំខាន់ ក្នុងការណែនាំកូនឲ្យដើរលើផ្លូវត្រូវ និងគិតពីផលប៉ះពាល់ដល់សិទ្ធិនៃការរស់នៅរបស់មនុស្ស។ បន្ទាប់មកអាជ្ញាធរ មានសមត្ថកិច្ច គួរមានវិធានការទប់ស្កាត់ ដោយធ្វើការអប់រំ តាមរយៈការដកហូតម៉ូតូពេលខ្លី តម្រូវឲ្យបំពាក់ឧបករណ៍ធ្វើឲ្យសំឡេងស្ងាត់។ “ខ្ញុំគិតថា នេះគឺជាវិធានការ បន្ទាន់មួយឈានទៅទប់ស្កាត់បញ្ហាទាំងនេះ។ ម្យ៉ាងយុវជនខ្លួនឯងក៏ត្រូវគិតពីផលប៉ះពាល់ការរំខានដល់អ្នកដទៃ ពិសេសអ្នកមានបញ្ហាសុខភាព ឬអ្នកកំពុងសង្គ្រោះបន្ទាន់នៅឯមន្ទីរពេទ្យ។ នេះគឺជាការរួមចំណែកជួយដល់អាយុជីវិតមនុស្ស”៕
ប្រភព: Sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
