ស្ត្រីជំនាញទាក់ភ្ញៀវបរទេសយកទៅដាក់ថ្នាំយកសម្ភារលក់កាក់ត្រូវចាប់ខ្លួន

ស្ត្រីជំនាញទាក់ភ្ញៀវបរទេសយកទៅដាក់ថ្នាំយកសម្ភារលក់កាក់ត្រូវចាប់ខ្លួន

ខេត្តព្រះសីហនុ ៖ស្ត្រីម្នាក់ដែលជំនាញទាក់ភ្ញៀវបរទេសទៅដេកហើយដាក់ថ្នាំយកលុយ និងទ្រព្យសម្បត្តិផ្សេងៗ ត្រូវបានកម្លាំងសមត្ថកិច្ចកងរាជអាវុធខេត្ត ធ្វើការឃាត់ខ្លួនកាលពីវេលាទាបភ្លឺ ថ្ងៃទី៥ ខែមិថុនា បញ្ជូនទៅកាន់តុលាការហើយនារសៀល ថ្ងៃទី៥ខែមិថុនា នេះ។

យោងតាមការឱ្យដឹងពីលោកវរៈសេនីយ៍ត្រី វ៉ា ចាន់ថន នាយការិយាល័យព្រហ្មទណ្ឌនៃទីបញ្ជាការដ្ឋានកងរាជអាវុធហត្ថខេត្តបានឱ្យដឹងថា ស្ត្រីម្នាក់ដែលសមត្ថកិច្ចឃាត់ខ្លួនដោយសង្ស័យពីបទអំពើលួច មានឈ្មោះ ឆន លិនដា ភេទស្រី អាយុ២៩ឆ្នាំ មានស្រុកកំណើតនៅ ភូមិអរិយក្សត្រ ឃុំអរិយក្សត្រ ស្រុកខ្សាច់កណ្តាល ខេត្តកណ្តាល បច្ចុប្បន្នស្នាក់នៅផ្ទះជួលភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ បានធ្វើសកម្មភាពលួចយកលុយ ចិញ្ចៀន និងទូរស័ព្ទដៃម៉ាកសាំសុង កាលពីយប់រំលងអាធ្រាតថ្ងៃទី២ឈានចូលថ្ងៃទី៣ខែមិថុនាឆ្នាំ២០១៤ពីជនរងគ្រោះឈ្មោះម៉ាតេស ឆេប្រោន ភេទ ប្រុសអាយុ៣៨ឆ្នាំជនជាតិស្លូវ៉ានៀ កាន់លិខិតឆ្លងដែនលេខ PB062079 មានមុខរបរជាភ្ញៀវទេសចរណ៏។