សូដង់៖ តាមប្រភពព័ត៌មានពី ឌេលីម៉ែល ដែលបានចុះផ្សាយ កាលពីថ្ងៃទី ២១ ខែកក្កដា នេះ បានឲ្យដឹងថា សមាជិកគ្រួសារ ៤នាក់ បានស្លាប់ភ្លាមៗ នៅក្នុងហេតុការណ៍ គ្រោះថ្នាក់ចរាចរណ៍ បុកនឹង សត្វអូដ្ឋនៅលើ ផ្លូវជាតិមួយខ្សែ។

ឡានដែលរងគ្រោះថ្នាក់ខាងលើ បានបើកបរនៅលើ ផ្លូវ ដែលអមទៅដោយ វាលខ្សាច់ នៅក្នុងតំបន់ Jazan តែបានបុក សត្វអូដ្ឋមួយក្បាលដោយ ចៃដន្យ ដែលវា មិនដឹងវង្វេងមក ពីណា។ នៅក្នុងនោះ បានបន្ដឲ្យដឹងថា ឪពុក ម្ដាយ និងកូនស្រី ២នាក់ បានស្លាប់ នៅក្នុងហេតុការណ៍នេះ ខណៈដែល កូនប្រុស ៣នាក់ទៀត បានរងរបួសជាទម្ងន់។ ក្រោយពីមានគ្រោះថ្នាក់ នេះ ប៉ូលីសបានចុះទៅ ដល់កន្លែង កើតហេតុ និងធ្វើការសើុប អង្កេតជាបន្ដបន្ទាប់ ខណៈដែលរូបភាព គ្រោះថ្នាក់នេះ ត្រូវបានចែកចាយ ពេញស្រុក ជាមួយនឹង​រូបភាព ខ្មោចអូដ្ឋនៅលើ ផ្លូវផងដែរ។ 

យោងទៅតាម Arynews បានឲ្យដឹងពី ព័ត៌មានក្នុងអារ៉ាប់ថា កាលពីដើមឆ្នាំនេះ អ្នកជំនាញផ្លូវច្បាប់ បានជំរុញឲ្យ អជ្ញាធរ ដាក់ទោស ទៅលើម្ចាស់សត្វ អូដ្ឋ ដែលបណ្ដែតបណ្ដោយ ឲ្យ សត្វរត់មកលើ ផ្លូវថ្នល់៕

រូបភាពរថយន្ដ ដែលរងគ្រោះថ្នាក់ចរាចរណ៍បុកអូដ្ឋ

រូបភាព៖ សត្វអូដ្ឋដែលងាប់

ប្រភពពី បរទេស

កែសម្រួលដោយ ម៉ា

ខ្មែរឡូត