ស្ទឹងត្រែង ៖ កម្លាំងនគរបាល មន្ទីរប្រឆាំង គ្រឿងញៀន ក្រសួងមហាផ្ទៃ បានសហការ ជាមួយ កម្លាំង នគរបាល ឈរជើងនៅព្រំដែន ខេត្ដស្ទឹងត្រែង បានបើកប្រតិបត្ដិការស្រាវ ជ្រាវរហូតចាប់ខ្លួន ជនសង្ស័យម្នាក់ ជាជនជាតិ ឡាវ និងដកហូតថ្នាំញៀន ប្រភេទម៉ាទឹកកក ជិត១គីឡូក្រាម កាលពី វេលាម៉ោង២ និង១៥នាទីរសៀលថ្ងៃទី២១ ខែកក្កដា ឆ្នាំ២០១៥នេះ ស្ថិតនៅភូមិឈើទាល ឃុំព្រះរំកិល ស្រុក ថាឡា បរិវ៉ាត់ ខេត្ដស្ទឹងត្រែង ។

មន្ដ្រីនគរបាលមន្ទីរប្រឆាំងគ្រឿងញៀន ក្រសួងមហាផ្ទៃ បានបញ្ជាក់ថា ជនសង្ស័យ មានឈ្មោះសាត់ វង់សៃ អាយុ៣៧ឆ្នាំ មុខធ្វើស្រែ ស្រុកកំណើតនៅភូមិគៀកទូង  ស្រុកប៉ាក់តូផន ខេត្ដចំប៉ាសាក់ ហើយបច្ចុប្បន្ន រស់នៅភូមិកំពង់សាមបី ឃុំកំពង់ស្រឡៅ ស្រុកឆែប ខេត្ដព្រះវិហារ។

បច្ចុប្បន្នជនសង្ស័យរូបនេះ ត្រូវបានបញ្ជូនមកកាន់មន្ទីរប្រឆាំងគ្រឿងញៀនក្រសួងមហាផ្ទៃ ដើម្បី កសាងសំណុំ រឿងបញ្ជូនទៅកាន់តុលាការចាត់ការបន្ដតាមផ្លូវច្បាប់។

ផ្តល់សិទ្ធដោយ ដើមអម្ពិល