ជាងធ្វើដំបូល ស្ថានីយប្រេងឥន្ធនៈថ្មី នៅមុខវត្តបរិបូរណ៌ ត្រូវចរន្តអគ្គិសនី ឆក់របួសធ្ងន់

ជាងធ្វើដំបូល ស្ថានីយប្រេងឥន្ធនៈថ្មី នៅមុខវត្តបរិបូរណ៌ ត្រូវចរន្តអគ្គិសនី ឆក់របួសធ្ងន់

ខេត្តកំពង់ឆ្នាំង ៖ ជាងធ្វើដំបូលម្នាក់បាន រងរបួសធ្ងន់ដោយសារ ចរន្តអគ្គិសនីមាន ឋាមពលខ្លាំងឆក់ ខណៈកំពុងធ្វើដំបូលស្ថានីយប្រេង មួយកន្លែងនៅចំណុច មុខវត្តបរិបូរណ៌ ស្ថិតក្នុងភូមិផ្សារ ឃុំផ្សារ ស្រុកបរិបូរណ៌ ។ ហេតុការណ៍នេះបានកើតឡើងកាល ពីវេលាម៉ោង៤ និង៣០នាទីរសៀល ថ្ងៃទី១៨ កក្កដា ២០១៥ ។

យោងតាមប្រជាពលរដ្ឋ នៅកន្លែងកើតហេតុ បាននិយាយថា កូនជាងធ្វើដំបូលនោះ មានឈ្មោះ ឃឹម បៀន អាយុ១៩ឆ្នាំ មានទីលំនៅភូមិដើមជ្រែ ឃុំខុនរ៉ង ស្រុកបរិបូរណ៍ ។ ជនរងគ្រោះបាន មកធ្វើដំបូលស្ថានីយប្រេងដែលកំពុង សាង សង់ថ្មី ៤-៥ថ្ងៃមកហើយ ។

នៅថ្ងៃកើតហេតុ ពេលជនរងគ្រោះ កំពុងអង្គុយធ្វើដំបូល មិនបានប្រយ័ត្នបានក្រោក ងើបឡើងប៉ះសក់ ក្បាលជាមួយខ្សែកាបដែល មានតង់ស្យុងខ្ពស់បណ្តាលឱ្យ ទុស្សេចេញជាអណ្តាតភ្លើងឆក់ ជនរងគ្រោះដួលអុកគូទ លើដំបូលស្ថានីយនោះតែម្តង ។

ភ្លាមៗនោះក៏មានអ្នកធ្វើការ ជាមួយបានឡើងយក ជនរងគ្រោះចុះមកដី ហើយបានប្រញាប់ដឹក ទៅមណ្ឌលសុខភាពស្រុកបរិបូរណ៍ តែដោយសារស្ថានភាពធ្ងន់ពេក ព្រោះបានរងការរលាគ ពេញដងខ្លួនក៏ដឹក មកមន្ទីរពេទ្យខេត្ត ដើម្បីសង្គ្រោះបន្តទៀត ។

មន្ត្រីអគ្គិសនីខេត្ត បាននិយាយថា តាមច្បាប់ការសាងសង់ ស្ថានីយប្រេងត្រូវធ្វើចម្ងាយ ៤៥ម៉ែត្រពីអ័ក្សថ្នល់ តែស្ថានីយខាងលើបាន សាងសង់រំលោភលើដី ចំណីផ្លូវទើបបានជាសាងសង់ នៅក្រោមខ្សែកាបអគ្គិសនីបែបនេះ។ ទោះយ៉ាងណាម្ចាស់ស្ថានីយ ដែលទើបសាងសង់ថ្មីត្រូវតែទទួលខុសត្រូវ លើជនរងគ្រោះខាងលើនេះ៕