បើកម៉ូតូធំម៉ាក CBR ទៅបុកចំពាក់ កណ្តាលតួម៉ូតូ nex បណ្តាលឲ្យ បាក់ជាពីរ

បើកម៉ូតូធំម៉ាក CBR ទៅបុកចំពាក់ កណ្តាលតួម៉ូតូ nex បណ្តាលឲ្យ បាក់ជាពីរ

រាជធានីភ្នំពេញ ៖ ករណីគ្រោះថ្នាក់ចរាចរណ៍មួយ បានកើតឡើង រវាងម៉ូតូធំម៉ាក CBR មួយគ្រឿង ដែលបើកបរក្នុងល្បឿនយ៉ាង លឿន ដោយអ្នកបើក ខ្វះការប្រុងប្រយ័ត្ន ក៏បានទៅបុក នឹងម៉ូតូម៉ាក nex មួយគ្រឿង ដែលកំពុងតែបើកបត់ខាងមុខ ក្នុងទិសដៅ បញ្ច្រាសទិសគ្នា ចំពាក់កណ្តាលពេញ ទំហឹង បណ្តាលអោយ បាក់តួរជាពីរ និងបណ្តាលអោយយុវសិស្ស ម្នាក់ រងរបួសធ្ងន់ ។ ករណីនេះបាន កើតឡើងកាលពី វេលាម៉ោង ១១និង៣០នាទីព្រឹក ថ្ងៃទី១៧ ខែកក្កដា ឆ្នាំ២០១៥ នៅខាង មុខអាហារដ្ឋាន ទួលទំពូង ផ្ទះលេខ៦៣ ផ្លូវលេខ៤៣២ ក្នុងសង្កាត់ ទួលទំពូងទី២ ខណ្ឌចំការមន ។

តាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា យុវសិស្ស រងគ្រោះមាន ឈ្មោះ តាន់ វឌ្ឍនៈ អាយុ១៦ឆ្នាំ បានរងរបួសធ្ងន់ នៅពេល ដែលកំពុងតែ ជិះម៉ូតូមួយគ្រឿង ម៉ាក nex ពណ៌ត្រួយចេក ពាក់ស្លាកលេខភ្នំពេញ ១CT-៣១៧៥ តែម្នាក់ឯង ក្នុងទិសដៅពី កើតទៅលិច លុះដល់កន្លែង កើតហេតុ ក៏បើកបត់ឆ្វេង ។ ពេលដែលបើកម៉ូតូបត់ បានបន្តិចក៏ ស្រាប់តែមាន ម៉ូតូធន់ធំម៉ាក CBR ពណ៌ស គ្មានស្លាកលេខ មួយគ្រឿង ដែលបើកបរ ដោយបុរសម្នាក់ឈ្មោះ ឡុង មករា អាយុ១៩ឆ្នាំ ក្នុងទិសដៅ បញ្ច្រាសទិសគ្នា ក្នុងល្បឿន យ៉ាងលឿន មកបុកចំពាក់កណ្តាលម៉ូតូ បណ្តាលអោយដួល និងបាក់តួជាពីរ កំណាត់តែម្តង ហើយយុវសិស្សជិះ ម៉ូតូម៉ាក nex បានរងរបួសធ្ងន់ត្រូវបានក្រុម គ្រួសារបញ្ជូនទៅ កាន់មន្ទីរព្យាបាល ភ្លាមៗ ។

ក្រោយពេលកើតហេតុកម្លាំងនគរបាលជំនាញក៏បានចុះមកធ្វើការ វាស់វែងរួចហើយ ធ្វើការបញ្ជូន ម៉ូតូទាំងពីរគ្រឿង យកទៅរក្សាទុក នៅអធិការដ្ឋាន នគរបាល ខណ្ឌចំការមន ដើម្បីរង់ចាំធ្វើការដោះ ស្រាយគ្នា ជាបន្តទៅទៀត ៕