ភ្នំពេញ៖ បុរសដែល គេស្គាល់ថា ជាអ្នកវៃសារ៉ា ស្បែកជើងម្នាក់ ត្រូវបានរងរបួស បែកគ្រាប់ភ្នែក ខាងឆ្វេង និងជាប់គ្រាប់ចំពាម នៅខាងក្នុង ខណៈដែលរួបគេកំពុងដើរ ហើយត្រូវជន មិនស្គាល់ មុខបាញ់ ចំពាមកៅស៊ូ កាលពីវេលាម៉ោង៣ទាប ភ្លឺ ថ្ងៃទី១៧ ខែកក្កដា ឆ្នាំ២០១៥ នៅចំណុច មុខសាលាពេទ្យ តាមផ្លូវលេខ១០៦កែងផ្លូវ ព្រះមុន្នីវង្ស ស្ថិតក្នុង​ សង្កាត់ស្រះចក ខណ្ឌដូនពេញ។

តាមសាក្សីនៅកន្លែងកើតហេតុបានឲ្យដឹងថា បុរសរងគ្រោះខាងលើ ជាអ្នកដើរវៃ សារ៉ាស្បែកជើង ដោយធ្វើដំណើរថ្មើជើង ដើរមកពី ខាងក្រោយ អគារកាណាឌីយា ខណៈមកដល់ចំណុច កើតហេតុ ស្រាប់តែ មានជនមិនស្គាល់មុខបានលួចបាញ់ ចំពាមកៅស៊ូ បណ្តាលឲ្យ ចំភ្នែកខាងឆ្វេង បៀមគ្រាប់ ជាប់នៅនិង ភ្នែក ហើយជនបង្ក បាន គេចខ្លួនបាត់ស្រមោល តែម្តង ។

ក្រោយពេលកើតហេតុជនរងគ្រោះ ត្រូវបានរថយន្តសង្គ្រោះ ដឹកទៅមន្ទីរ ពេទ្យកាល់ម៉ែត ដើម្បីសង្គ្រោះ ដោយឡែកទាក់ទិន និងការណី ខាងលើនេះ មិនទាន់ដឹងថា ជារឿងគំនំរឺ ជារឿងអ្វីនោះទេ ៕

ផ្តល់សិទ្ធដោយ ដើមអម្ពិល