ភ្នំពេញ : នៅវេលាម៉ោង ៨និង ៤៩នាទី យប់ថ្ងៃទី១៤ ខែកក្កដា ឆ្នាំ២០១៥នេះ ស្ថិតនៅតាមផ្លូវ ហានណូយ ក្នុងសង្កាត់ភ្នុំពេញថ្មី ខណ្ឌសែនសុខ មានក្រុមចោរមានគ្នា ៣នាក់ ជិះម៉ូតូម៉ាក next ពណ៌សលាយផ្កាឈូក មិនចាំស្លាកមួយគ្រឿង បានធ្វើការ វាយប្លន់មកលើនារីរងគ្រោះម្នាក់ ជាគ្រូបង្រៀន ខណ:ពេលកំពុងជិះម៉ូតូ សំដៅទៅផ្ទះ។

មន្រ្តីអាវុធហត្ថខណ្ឌសែនសុខ ដែលចុះទៅដល់កន្លែងកើតហេតុភ្លាមៗ បានប្រាប់ភ្នាក់ងារ ដើមអម្ពិល ថា ស្រ្តីរងគ្រោះ មានឈ្មោះយ៉ាកែវ មនីដា អាយុ២៣ឆ្នាំ មុខរបរគ្រូបង្រៀន ស្នាក់នៅ ក្នុងសង្កាត់ភ្នុំពេញថ្មីខណ្ឌ សែន សុខ ហើយម៉ូតូដែលក្រុមចោរវាយយកនោះម៉ាក next ពណ៌ស ពាក់ស្លាកលេខ 1CS-6352 ។

ស្រ្តីរងគ្រោះ បានប្រាប់សមត្ថកិច្ចថា មុនកើតហេតុខ្លួន បានមកញាំអីហើយត្រឡប់មកផ្ទះវិញ តាមផ្លូវហានណូយ ក៏ជួបជនសង្ស័យ ៣នាក់ មកធ្វើការវាយប្លន់យកម៉ូតូតែម្តង ដោយពួកវា ជិះពីក្រោយ រួចហើយមកស្ទាក់ពីមុខ នៅកន្លែងងងឹត និងវាយចំផ្ទៃមុខ បណ្តាលអោយរងរបួសបែកឈាម តែនាងមិនដឹងថា ជាកាំភ្លើង ឫវាយដោយ អ្វីនោះឡើយ ពីព្រោះងងឹតពេកមើលមិនឃើញ។

ក្រោយកើតហេតុគេ សង្កេតកម្លាំងអាវុធហត្ថ ខណ្ឌសែនសុខ បានចុះទៅធ្វើការសួរនាំ ដើម្បីតាមស្រាវជ្រាវតាម ចាប់ ក្រុមជនល្មើស៕

ផ្តល់សិទ្ធដោយ ដើមអម្ពិល