ជាងធ្មេញម្នាក់អន្ទងស្ត្រីវ័យ ៤០ឆ្នាំ មកធ្វើធ្មេញ ហើយរឹតកសម្លាប់ ច្រកថង់ដាក់ ក្នុងទូកញ្ចក់

ជាងធ្មេញម្នាក់អន្ទងស្ត្រីវ័យ ៤០ឆ្នាំ មកធ្វើធ្មេញ ហើយរឹតកសម្លាប់ ច្រកថង់ដាក់ ក្នុងទូកញ្ចក់

ខេត្តត្បូងឃ្មុំ ៖ ជាងដាក់ធ្មេញយីហោ «ហ៊ុយ សេង» ម្នាក់បានប្រើល្បិច អន្ទងស្ត្រីវ័យ ៤០ឆ្នាំមកដាក់ធ្មេញ ហើយសម្លាប់ បំបិទមាត់ ដោយ រឹតកច្រកចូល ក្នុងថង់ញាត់ចូល ក្នុងទូកញ្ចក់ ។ ហេតុការណ៍អំពើ មនុស្សឃាតដ៏សាហាវនេះកើតឡើងនៅ វេលាម៉ោង៥ និង៤៥ នាទីល្ងាច ថ្ងៃទី១២ កក្កដា ២០១៥ នៅភូមិដារផ្សារ ឃុំដារ ស្រុកមេមត់ ខេត្តត្បូងឃ្មុំ ។

លោកវរសេនីយ៍ត្រីហុង គឹមហឿន អធិការនគរបាលស្រុកមេមត់ បានប្រាប់ឲ្យដឹងថា ស្ត្រីរងគ្រោះ ឈ្មោះឡៃ សំអាន អាយុ៤០ឆ្នាំ រស់នៅភូមិ ដារផ្សារ ឃុំដារ ស្រុកមេមត់ ។ រីឯជនសង្ស័យជា ជាងដាក់ធ្មេញឈ្មោះ សេង ភេទប្រុស អាយុប្រហែល ២៦ឆ្នាំ ។ ក្រោយពេល សម្លាប់ស្ត្រីរងគ្រោះ ជនសង្ស័យបាន ជិះម៉ូតូគេចខ្លួនបាត់ ។

ជាជំហានដំបូងរបស់សមត្ថកិច្ចសន្និដ្ឋានថា នេះជាអំពើឃាតកម្ម ដោយចេតនា ហើយពេលនេះ សមត្ថកិច្ចកំពុងតែតាមប្រមាញ់ ចាប់ជនសង្ស័យជា ឃាតកយកមក ផ្តន្ទាទោសតាមច្បាប់ ។

សមត្ថកិច្ចបានបន្តថា ក្រោយពីជំនាញបានពិនិត្យសពចប់សព្វគ្រប់ ក៏ប្រគល់ឲ្យ ទៅក្រុមគ្រួសារ ដើម្បីយកទៅធ្វើបុណ្យតាម ប្រពៃណី ។