ត្រឡប់ពីធ្វើកម្មករនៅថៃ សុំផ្ទះម្តាយមីង សម្រាក១យប់ ព្រឹកឡើងប្រទះ ឃើញចង.កស្លាប់

ត្រឡប់ពីធ្វើកម្មករនៅថៃ សុំផ្ទះម្តាយមីង សម្រាក១យប់ ព្រឹកឡើងប្រទះ ឃើញចង.កស្លាប់

ខេត្តបន្ទាយមានជ័យ ៖ បុរសម្នាក់សុំផ្ទះគេ សម្រាកបានមួយយប់ ព្រឹកឡើងត្រូវ ម្ចាស់ផ្ទះប្រទះឃើញ ចង.កសម្លាប់ខ្លួន នឹងខ្សែក្រ វាត់ បង្កឱ្យមានការភ្ញាក់ផ្អើល កាលពីវេលាម៉ោង ប្រហែល៧ព្រឹក ថ្ងៃទី១២ កក្កដា ២០១៥ នៅភូមិក្បាល ស្ពាន០១ សង្កាត់ប៉ោយប៉ែត ក្រុងប៉ោយប៉ែត។

ជនរងគ្រោះឈ្មោះជា ឆដា ហៅយូ អាយុ៣៥ឆ្នាំ ជាពលករទើប វិលត្រឡប់ពីប្រទេសថៃ តាមច្រកទ្វារអន្តរជាតិប៉ោយប៉ែត កាលពីរសៀលថ្ងៃទី១១ កក្កដា មានទីលំនៅ ភូមិកំពង់ក្ដី ឃុំកំពង់ចិនត្បូង ស្រុកស្ទងខេត្តកំពង់ធំ។

ប្រភពបានឱ្យដឹងថា បុរសរងគ្រោះបានចង.កនឹងខ្សែក្រវាត់ ហើយស្លាប់អង្គុយលើ ឥដ្ឋការ៉ូផ្ទះជាន់ទី១ ដែលមានម្ចាស់ឈ្មោះ ទេព្យ បូរ៉ា អាយុ៤៩ឆ្នាំ ប្រពន្ធឈ្មោះញឹក ណារីន អាយុ៤៧ឆ្នាំ ដែលស្ត្រីជាម្ចាស់ផ្ទះ ត្រូវជាម្ដាយមីងបង្កើតរបស់ជនរងគ្រោះ។

តាមស្ត្រីម្ចាស់ផ្ទះប្រាប់ថា មុនកើតហេតុកាលពី រសៀលថ្ងៃទី១១ ជនរងគ្រោះបានវិល ត្រឡប់ពីប្រទេសថៃ ហើយបានសុំគាត់ស្នាក់នៅ ០១យប់ លុះព្រឹកថ្ងៃទី១២នេះ នៅម៉ោងប្រហែល ៧ព្រឹកគាត់ និងគ្រួសារគិតថា ចង់ទៅផ្សាររុងក្លឿលក់ដូរ ដូចសព្វមួយដងក៏ឡើងទៅ ហៅជនរងគ្រោះដើម្បី ឲ្យត្រឡប់ទៅស្រុក ស្រាប់តែ ប្រទះឃើញស្លាប់ដោយចង.កនឹង ខ្សែក្រវាត់តែម្ដង។

នៅក្បែរខ្លួនសពគេឃើញ មានថ្នាំពេទ្យមួយចំនួន ហើយស្ត្រីម្ចាស់ផ្ទះនិយាយថា ក្មួយរបស់គាត់កើត រោគសសៃប្រសាទ ព្រោះកន្លងមកគេតែងតែ លេបថ្នាំសសៃប្រសាទ ជាប្រចាំ។ ស្ត្រីខាងលើបន្តថា ជនរងគ្រោះមុនចូលដេកបានស្រែកថា មានគេតាមវាយ ធ្វើបាបរហូត២០ទៅ៣០នាក់ តែពេលគាត់រកមើលមិនឃើញមានអ្វីឡើយ។

ទោះជាយ៉ាងណានៅ ផ្ទះកើតហេតុគេឃើញសមត្ថកិច្ច ជំនាញពាក់ព័ន្ធនគរបាល និងអាវុធហត្ថ ព្រមជាមួយគ្រូពេទ្យមានទាំង អាជ្ញាធរផងបានចុះទៅធ្វើការ ត្រួតពិនិត្យ និងកោសល្យវិច័យ សព។ ផ្អែកលើកោសល្យវិច័យ សមត្ថកិច្ចប្រាប់ថា ជនរងគ្រោះបានចង.ក សម្លាប់ខ្លួនឯង ហើយសពនឹងដឹក ទៅស្រុកកំណើតឯ ខេត្តកំពង់ធំដើម្បីធ្វើបុណ្យតាម ប្រពៃណី៕