ភ្នំពេញ៖ និស្សិតរៀនឆ្នាំទី១ នៃសាកលវិទ្យាល័យ ន័រតុន ម្នាក់ឈ្មោះ នង ចាន់ អាយុ១៩ឆ្នាំ ត្រូវរថយន្តបុកកិន បែកក្បាលផ្ទុះ ខួរចេញមកក្រៅ ស្លាប់យ៉ាងអាណោចអាធម ក្នុងថ្លុកឈាម លើផ្លូវ២១៧ ស្ថិតនៅមុខ រោងម៉ាស៊ីន កិនស្រូវមួយ គ្មានស្លាកលេខ ក្នុងភូមិព្រែកជ្រៃ សង្កាត់ស្ពានថ្ម ខណ្ឌដង្កោ។

គ្រោះថ្នាក់ចរាចរណ៍ ខាងលើនេះ បានកើតឡើងនៅម៉ោង ១០៖០០នាទីព្រឹក ថ្ងៃទី១១ ខែកក្កដា ឆ្នាំ២០១៥នេះ ។

សេចក្តីរាយការណ៍ ពីសមត្ថកិច្ច មូលដ្ឋាន បានឲ្យដឹងថា ខណៈជនរងគ្រោះជិះ ម៉ូតូម៉ាកគុបជ្រុង ស្លាកលេខ ភ្នំពេញ 1BI-6530 ស្រាប់តែប៉ះដៃចង្កូត ជាមួយអ្នកជិះម៉ូតូម្នាក់ទៀត មកពីខាងមុខ ស្រាប់តែដួល ក៏ត្រូវរថយន្ត មកពីក្រោយកិន ស្លាប់តែម្តង។

ក្រោយកើតហេតុ រថយន្តបង្ក បានបើករត់ដោយសុវត្ថិភាព ខណៈសពជនរងគ្រោះ ត្រូវបានសមត្ថកិច្ច ទាក់ទងទៅក្រុមគ្រួសារយកសព ទៅធ្វើបុណ្យតាមប្រពៃណី៕

ផ្តល់សិទ្ធដោយ ដើមអម្ពិល