ភ្នំពេញ៖ ​​ការ​ប្រកួត​បាល់ទះ ​ថ្នាក់​ជាតិ ​​ពាន​រង្វាន់​​សម្ដេច​ ហ៊ុន សែន និង​ពាន​រង្វាន់ LEO Cup National Volleyball 2015 ​ជុំ​ផ្ដាច់​ព្រ័ត្រ​​​​​ កាន់តែកៀកការប្រកួតខ្វែង ដើម្បីឡើងទៅវគ្គផ្តាច់ព្រ័ត្តហើយ គិតត្រឹមការប្រកួត ថ្ងៃព្រហស្បតិ៍ ម្សិលមិញនេះ នៅ​​វិមាន​​ពហុ​កីឡដ្ឋាន​ជាតិ ​អូឡាំពិក​កម្ពុជា។

ការប្រកួត​ក្របខ័ណ្ឌ​ B កំពុងប្រកួតដើម្បីរើស យក២ក្រុម គឺក្រុមលេខ១ និងលេខ ២ ដើម្បីទៅធ្វើការប្រកួតបន្តជាមួយក្រុម ខ្លាំង៦ផ្សេងទៀត នៅក្របខណ្ឌ A មាន ក្រសួងមហាផ្ទៃ, ស្នងការដ្ឋាន​នគរបាល​ខេត្ត​បាត់ដំបង, កង​ពល​តូច​លេខ​៣១​ ការពារ​ឆ្នេរ, សហភាពសហព័ន្ធយុវជនកម្ពុជាព្រៃវែង, សាលាខេត្ត​កំពង់ចាម, កងពលអន្តរាគម៍​លេខ៣ ​ខេត្ត​ព្រះវិហារ ដែលនឹងត្រូវចាប់ផ្តើម នៅថ្ងៃទី១៤ ខែកក្កដាខាងមុខនេះ។ ​ ជាលទ្ធផលនៅម្សិលមិញគឺ៖

-       គូទី១៖ សាលាស្រុកបាធាយ ឈ្នះ ក្រុមការងារខេត្តកំពត ៣ ទល់នឹង ០ (២៧ - ២៥, ២៥  - ២២, ២៩  - ២៧)

-       គូទី២៖ បញ្ជាការដ្ឋានអង្គរក្ស A បានបន្តជ័យជំនះយកឈ្នះ វិទ្យាល័យ ស្មាច់ដែង ៣ ទល់នឹង ០ (២៥  - ១៤, ២៥  - ២១, ២៥  - ១៥)

-       គូទី៣៖ កងពលតូចអន្តរាគមន៍លេខ៧ បានយកឈ្នះ ស្នងការនគរបាល ខេត្តកំពង់ចាម ក្នុងលទ្ធផល ៣ សិត ទល់នឹង ១ ( ១៨  - ២៥, ២៥  - ២៣, ២៧  - ២៥, ២៥  - ១៧)

-       គូទី៤៖ បញ្ជាការដ្ឋាន អង្គរក្ស B បាន យកឈ្នះយុវជនបុរី១០០ ខ្នង ៣ ទល់នឹង ០ (២៥  - ១៥, ២៥  - ២០, ២៥  - ២១)។

ដោយឡែកនៅរសៀលនេះ ចាប់ពីម៉ោង ២រសៀលតទៅ ក៏មានការប្រកួតចំនួន ៤គូ ផងដែរគឺ៖

-       ម៉ោង ២ ៖ សហភាពសហព័ន្ធយុវជនខេត្តខេត្តបាត់ដំបង ត្រូវប៉ះជាមួយនឹង វិទ្យាល័យ ស្មាច់ដែង

-       ម៉ោង ៣ ៖ សាលាស្រុកបាធាយ ត្រូវប៉ះជាមួយនឹង បញ្ជាការដ្ឋានអង្គរក្ស A

-       ម៉ោង ៤ ៖ សាកលវិទ្យាល័យ អង្គរ ត្រូវប៉ះជាមួយនឹង យុវជនបុរី១០០ខ្នង

-       ម៉ោង ៥ ៖ កងពលតូចអន្តរាគមន៍លេខ ៧ ត្រូវប៉ះជាមួយនឹង បញ្ជាការដ្ឋានអង្គរក្ស B។

ដូច្នេះសូមប្រិយមិត្ត និយមទស្សនាការប្រកួតបាល់ទះ ចូលរួមទស្សនាឲ្យបានច្រើនកុះករ។ សំបុត្រមានដាក់លក់នៅច្រកចូល វិមានពហុកីឡដ្ឋានជាតិអូឡាំពិក ក្នុងតំលៃ ២,០០០ រៀល និងអាចប្តូរយកស្រាបៀរលីអូ បានមួយកំប៉ុងភ្លាមៗ៕

ដោយ៖ រ័ត្ន

ខ្មែរឡូត