បរទេស៖ សត្វពស់ថ្លាន់យក្ស ដែលគេឲ្យឈ្មោះថា Anacondas ជាទូទៅវាតែងតែ ស៊ីសត្វជ្រូកព្រៃ ក្តាន់ និងក្រពើជាចំណី ក៏ប៉ុន្តែថ្មីៗនេះ មានក្រុមអ្នកភូមិ បានប្រទះឃើញពស់ប្រភេទនេះ ដេកងាប់នៅលើដី ហើយពួកគេរកឃើញ រឿងដ៏ចំលែកទាក់ទងនឹងចំណី ដែលវាស៊ីជាលើកចុងក្រោយ មុនពេលដែលវាងាប់ទៅ។

បុរសម្នាក់កំពុងយកកាំបិតវះពោះ ពស់ថ្លាន់

នៅពេលដែលអ្នកភូមិ នាំគ្នាវះពោះរបស់វា ពួកគេនាំគ្នាមានការភ្ញាក់ផ្អើលយ៉ាងខ្លាំង ព្រោះឃើញពស់ថ្លាន់ប្រភេទដូចគ្នា មួយក្បាលទៀត នៅក្នុងនោះដែរ ត្រូវបានវាស៊ីធ្វើជាចំណី។ ក្រោយវះពោះរួច បុរសម្នាក់ ក្នុងចំណោមអ្នកភូមិ បានយកឈើមួយ ឆ្កឹះពស់ដ៏ធំទាំង២ ចេញពីគ្នាមើលផងដែរ។

កាលពីឆ្នាំមុន ធម្មជាតិវិទូជនជាតិអាមេរិកម្នាក់ ឈ្មោះ Paul Rosolie ធ្លាប់បានឲ្យពស់ថ្លាន់ប្រភេទនេះ លេបរូបគាត់ដែរ ក្នុងបំណង ដើម្បីចាក់ផ្សាយ នៅលើប៉ុស្តិ៍ទូរទស្សន៍ Discovery Channel។ ប៉ុន្តែទស្សនិកជន បានសំដែងការខកចិត្តទៅវិញ នៅពេលដែលពស់លេបបានត្រឹម មួកការពារប៉ុណ្ណោះ បែរជា លោក Paul បោះបង់ការពិសោធន៍នោះចោល ព្រោះតែខ្លាចបាក់ឆ្អឹងដៃ របស់គាត់៕

អ្នកភូមិភ្ញាក់ផ្អើលពេលឃើញពស់មួយក្បាលទៀតនៅក្នុងខ្លួនពស់ថ្លាន់នោះ

ពស់ថ្លាន់ដែលមានទំហំធំសឹងប៉ុនគ្នា នៅក្រោយពេលដែលវះចេញ

ប្រភព៖ បរទេស

ដោយ៖ រ័ត្ន

ខ្មែរឡូត