គូស្នេហ៍ ឆ្លងវេហាហ៍ ចង់ដោះដៃពីនី មុនីនាថ

គូស្នេហ៍ ឆ្លងវេហាហ៍ ចង់ដោះដៃពីនី មុនីនាថ

រាជធានីភ្នំពេញ ៖ កញ្ញានី មុនីនាថ បានភ្ជាប់ចំណងស្នេហ៍ ជាមួយបុរសអាណិកជននៅអាមេរិក គឺលោកសូឡា ជាអ្នកជំនួញគ្រឿងសមុទ្រ ។ លើសពីនេះ លេចចឮដំណឹងថា ពួកគេបានភ្ជាប់ពាក្យ ជាមួយគ្នារួចហើយ ។ ទោះជាយ៉ាងណាក្តីបច្ចុប្បន្ន ចំណងស្នេហ៍នេះកំពុងតែរង្គោះរង្គើ ។

កាលពី អំឡុងពេលគូស្នេហ៍របស់នី មុនីនាថ មកលេងស្រុកខ្មែរ នាងបានបណ្តើរគ្នា យ៉ាងល្អូកល្អិនចូលរួមពិធីកាត់ចំណងដៃ អាពាហ៍ពិពាហ៍របស់នាងឆៃលី ដាឡែន បង្កឱ្យមានការចាប់អារម្មណ៍ខ្លាំង ពីក្រសែភ្នែកទាំងអ្នកសិល្បៈទាំងមហាជនទូទៅ ។

ទោះបីការងារសិល្បៈ ទទួលបានជោគជ័យ តែបើគិតទៅលើរឿងស្នេហាវិញ នី មុនីនាថ ហាក់មិនសូវសមប្រកបប៉ុន្មានឡើយ ព្រោះតែពេលនេះលេចឮថា ចំណងស្នេហ៍ថ្មីនោះកំពុងរង្គោះរង្គើ ។ កាលពីពេល ថ្មីៗនេះមានគេទម្លាយឱ្យដឹងថា ភាគីខាងប្រុសហាក់ ចង់ផ្តាច់ការទាក់ទងជាមួយនី មុន្នីនាថ ។

តារាដែលផ្តើមឱ្យ មហាជនចាប់អារម្មណ៍តាមរយៈ ខ្សែវីដេអូភាគរឿង «ផ្កាក្នុងផ្កា» រូបនេះ កំពុងខ្វល់ចិត្ត ដ្បិតគូ ស្នេហ៍ថ្មីរបស់ នាងចាប់ផ្តើមអស់អារម្មណ៍ស្នេហ៍ បន្តិចម្តងៗ ដោយមិនមាន មូលហេតុច្បាស់លាស់ ។ ការលើកឡើងនេះនៅមិនទាន់មាន ការលាងជម្រះពី នី មុនីនាថនៅឡើយទេ ។

អ្នកស្និទ្ធនឹងនី មុនីនាថ លើកឡើងថា នាងនី មុនីនាថ ចង់ដើរតាមគន្លង របស់មិត្តភក្តិ គឺនាងសារ៉ាយ សក្ខណា ដែលបានស្វាមី ទៅរស់នៅអាមេរិក ប៉ុន្តែទំនងមិនអាចដូចទេ ព្រោះភ័ព្វសំណាងខុសគ្នា ។ ស្នេហារបស់មុនីនាថ មិនអាចសម្រេច តាមបំណងព្រោះតែ ប្រឈមនឹងឧបសគ្គ ខណៈបុរសជាគូស្នេហ៍ ឆ្លងវេហាស៍នោះចង់ដោះដៃចេញពីនាង ។ ស្នេហាថ្មីនេះបើចេះតែអូសបន្លាយ បញ្ហាបែបនេះតទៅទៀតអាច នឹងចែកផ្លូវគ្នាដើរទាំងស្រុងនាពេលដ៏ខ្លីខាងមុខ ។

ចំណងស្នេហ៍រង្គោះរង្គើរបស់នី មុនីនាថ នេះ គ្រាន់តែជាការលើកឡើង របស់អ្នកជិតដិតប៉ុណ្ណោះ ដូច្នេះមិនប្រាកដប្រជាទេ ។ នៅលើកញ្ញានី មុនីនាថផ្ទាល់ ទើបអាចបញ្ជាក់ថាវាពិត ឬមិនពិត ៕