បង្ក្រាបទីតាំង «ពេជ្រ ខារ៉ាអូខេ» លួចលាក់ជក់ ស៊ីហ្សា ឃាត់ខ្លួន មនុស្ស ប្រុសស្រី ២០នាក់ (មានវីដេអូ)

បង្ក្រាបទីតាំង «ពេជ្រ ខារ៉ាអូខេ» លួចលាក់ជក់ ស៊ីហ្សា ឃាត់ខ្លួន មនុស្ស ប្រុសស្រី ២០នាក់ (មានវីដេអូ)

រាជធានីភ្នំពេញ ៖ ទីតាំងខារ៉ាអូខេខ្នាតតូចមួយកន្លែងយីហោ “ពេជ្រ ខារ៉ាអូខេ” ស្ថិតតាម បណ្តោយផ្លូវជាតិ លេខ២ ក្នុងភូមិ ព្រែកតានូ សង្កាត់ចាក់អង្រែលើ ខណ្ឌមានជ័យ ដែលបានលួច លាក់បង្កប់ ប្រើប្រាស់សារធាតុញៀន (ស៊ីហ្សា) ត្រូវបានកម្លាំង សមត្ថកិច្ច នៃការិយាល័យ ប្រឆាំងបទល្មើស គ្រឿងញៀន ដឹកនាំដោយ លោកវេសេនីយ៍ឯកប៊ន សំអាត ស្នងការរង នគរបាល រាជធានីភ្នំពេញ ទទួលបន្ទុកគ្រឿង ញៀន បានធ្វើការ ចុះបង្ក្រាបបាន ជាក់ស្តែង កាលពីវេលាម៉ោង ៥ល្ងាច ថ្ងៃទី០៤ ខែកក្កដា ឆ្នាំ២០១៥ ។

ប្រតិបត្តិការចុះបង្ក្រាបនេះធ្វើឡើងដោយមានការសម្របសម្រួលពី ព្រះរាជអាជ្ញា រងអមសាលាដំបូង រាជធានីភ្នំពេញ លោកសៀង សុខ ហើយជាលទ្ធផល ជាក់ស្តែងចំពោះ មុខសមត្ថកិច្ចបានធ្វើការ ឃាត់ខ្លួន មនុស្សចំនួន២០នាក់ (ស្រី៨នាក់) ក្នុងនោះមាន ២នាក់ជាមេការ, ម៉ូតូចំនួន ១០គ្រឿង, ឧបករណ៍ សម្រាប់ជក់ ស៊ីហ្សា រួមទាំង វត្ថុតាងមួយចំនួន ធំផងដែរ ។

ក្រោយការឃាត់ខ្លួន ជនទាំង២០នាក់ និងវត្ថុតាងត្រូវបានសមត្ថកិច្ច បញ្ចូនទៅកាន់ ការិយាល័យ ប្រឆាំងបទល្មើសគ្រឿងញៀន ដើម្បីធ្វើការ សាកសួរនាំ បន្ថែមនៅ ពេលក្រោយ ។ ចំណែកទីតាំង ខារ៉ាអូខេ ខាងលើត្រូវបានសមត្ថកិច្ចផ្អាក អាជីវកម្ម បណ្តោះអាសន្ន រង់ចាំបើកការស៊ើប អង្កេតបន្ថែម នៅពេលក្រោយទៀត ៕