ចោរគាស់ផ្ទះប្រជាពលរដ្ឋនៅ ផ្សារទួលស្វាយ អស់៦ផ្ទះ យកលុយ អស់ ៨លានរៀល មេប៉ុស្តិ៍ថា អស់តែ ៥លានរៀលទេ

ចោរគាស់ផ្ទះប្រជាពលរដ្ឋនៅ ផ្សារទួលស្វាយ អស់៦ផ្ទះ យកលុយ អស់ ៨លានរៀល មេប៉ុស្តិ៍ថា អស់តែ ៥លានរៀលទេ

ខេត្តឧត្តរមានជ័យ ៖ ផ្ទះប្រជាពលរដ្ឋរកស៊ីលក់ដូរនៅជុំវិញផ្សារ ទួលស្វាយ ស្ថិតក្នុង ភូមិ ទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ចំនួន៦ផ្ទះ ត្រូវបានក្រុម ចោរគាស់ផ្ទះ ប្រមូលយកលុយ សរុបប្រមាណ ជា៨លានរៀល កាលពីម៉ោង ប្រមាណ ២ ឈានចូលថ្ងៃទី០៣ កក្កដា ២០១៥ ។

បុរសម្នាក់ឈ្មោះម៉ក់ វុធ អាយុ៤៦ឆ្នាំ រស់នៅភូមិកើតហេតុខាងលើ បានរៀប រាប់់ថា មុនពេល កើតហេតុ បន្ទាប់ពីរួចការងារលក់ដូរ ទាំង២ នាក់ប្តីប្រពន្ធ និងកូនបាននាំ គ្នាចូល សម្រាន្តលង់ លក់ទៅ ។ លុះនៅវេលា ម៉ោងប្រហែល២រំលងអាធាត្រ ក្រុមចោរ បានមកលួចគាស់ ផ្ទះក្រុមអាជីវករអ្នក លក់គ្រឿងទេស និងអ្នកលក់ សាំងអស់ ចំនួន៦ផ្ទះ ដោយប្រមូលលុយ សរុបអស់ ជាង៨លានរៀល ពេលក្រុមចោរ ចេញទៅបាត់ទើប មានការភ្ញាក់ផ្អើល ឆោឡោពេញភូមិ ។

ប្រជាពលរដ្ឋដែលរស់នៅក្នុងភូមិទួលស្វាយបានឲ្យដឹងថា សព្វថ្ងៃនេះ សកម្មភាព លួច ឆក់ ប្លន់បានកើតមានជាញឹកញាប់បង្កឲ្យ ប្រជាពលរដ្ឋមាន ការភ័យខ្លាច ជាខ្លាំង ជាពិសេសនៅ ពេលយប់ ។ ប្រជាពលរដ្ឋ បន្តទៀតថា ដោយសារតែកើត មានល្បែង ស៊ីសងគ្រប់ប្រភេទ ដូចជាល្បែង កន្ទុយលេខ បៀ អាប៉ោង ជាពិសេស ល្បែងកាស៊ីណូ និងក្រុមក្មេង សេពគ្រឿងញៀនស្ថិត នៅពាស ពេញភូមិ ទើបបានជា កើតមានចោរ ច្រើនបែបនេះ ។ ប្រជាពលរដ្ឋក៏សុំ អំពាវនាវដល់ អាជ្ញាធរមូលរដ្ឋាន និងសមត្តកិច្ច មេតា្តជួយធ្វើការ បង្ក្រាបផង កុំត្រូវរ៉ូវ គ្នាយក តែលុយពេក ។

ទាក់ទិននឹងក្រុមចោរគាស់ផ្ទះនេះដែរ នារសៀលថ្ងៃទី០៣ កក្កដា ២០១៥ «កោះសន្តិភាព» បានទូរស័ព្ទ ជួបលោកមេប៉ុស្តិ៍រដ្ឋបាល ឃុំត្រពាំងតាវ ដែរ ហើយលោក មេប៉ុស្តិ៍បានឱ្យដឹងថា ពិតជា មានចោរគាស់់ ផ្ទះប្រជា ពលរដ្ឋជាអាជីវករលក់ដូរនៅ ផ្សារទួលស្វាយ អស់ចំនួន ៦ផ្ទះមែន តែយក លុយអស់ ៥លានរៀលចេញទៅ ដោយសុវត្ថិភាព តែទោះជាយ៉ាងណា សមត្ថកិច្ចកំពុងធ្វើការ ស៊ើបអង្កេតតាម រកចាប់ខ្លួន ជនខិល ខូចដើម្បីចាត់ ការតាម និតិវិធី ៕