សាហាវ! កាន់អង្រែ បុកគ្រឿងវាយ សម្លាប់ឪពុកមា ស្លាប់និង បុរសម្នាក់ទៀត រងរបួសធ្ងន់ ទាំងមេឃ មិនទាន់ភ្លឺ

សាហាវ! កាន់អង្រែ បុកគ្រឿងវាយ សម្លាប់ឪពុកមា ស្លាប់និង បុរសម្នាក់ទៀត រងរបួសធ្ងន់ ទាំងមេឃ មិនទាន់ភ្លឺ

ខេត្តបាត់ដំបង ៖ បុរសម្នាក់បានកាន់ អង្រែបុកគ្រឿង ដើរទៅវាយលើ បុរសម្នាក់ដែលគេដឹងថា ជាឪពុកមាសាច់ថ្លៃ ខណៈគាត់កំពុងតែ ចុះពីលើផ្ទះដើរ ទៅបត់ជើងតូច បណ្តាលឱ្យបែកក្បាល ស្លាប់ភ្លាមៗនៅនឹងកន្លែង រួចហើយជនបង្កបានដើរចេញពីកន្លែង កើតហេតុបាន២០០ម៉ែត្រ ក៏ជួបបុរសម្នាក់ទៀតហើយ យកអង្រែដដែលនោះ ទៅវាយបុរសម្នាក់ទៀត បណ្តាលឱ្យបែកក្បាល រងរបួសធ្ងន់ ដែលហេតុការណ៍នេះកើតឡើងកាលពីវេលាម៉ោង០៣ និង២០នាទីទៀបភ្លឺថ្ងៃទី០៣ កក្កដា ២០១៥ នេះ ស្ថិតនៅចំណុចភូមិអូរដា ឃុំផ្លូវមាស ស្រុករតនមណ្ឌល ខេត្តបាត់ដំបង ។

ប្រភពបានឱ្យដឹងថា បុរសជាជនដៃដល់ ឈ្មោះនួន ឆិញ អាយុ៣១ឆ្នាំ រីឯជនរងគ្រោះដែល ស្លាប់ឈ្មោះយឹម សារុន ភេទប្រុស អាយុ៤៦ឆ្នាំ និងបុរសរងរបួស បែកក្បាលឈ្មោះ ម៉ូ មូន អាយុ៤៤ឆ្នាំ ពួកគេទាំង៣នាក់មាន ទីលំនៅក្នុងភូមិ-ឃុំកើត ហេតុខាងលើ ។

ប្រភពបន្តថា បន្ទាប់ពីកើតហេតុ បានប៉ុន្មានម៉ោង បុរសជាជនដៃដល់ ត្រូវបានសមត្ថកិច្ចចុះទៅ ឃាត់ខ្លួនបានផងដែរ ។ ជំហានដំបូង គេនៅមិនទាន់ដឹងថា ករណីនេះគឺជារឿងគំនុំ ឬយ៉ាងណានោះទេ ប៉ុន្តែត្រូវបានប្រភពខ្លះ និយាយថា ជនដៃដល់ គឺជាមនុស្សសរសៃប្រសាទ ។ តែទោះបីជាយ៉ាងណា គេនៅមិនទាន់ច្បាស់នៅឡើយ ព្រោះជនដៃដល់កំពុងធ្វើការសួរនាំ នៅអធិការដ្ឋានក្នុង ស្រុករតនមណ្ឌល ។