ភ្នំពេញៈ ជនសង្ស័យម្នាក់ ក្នុងចំណោមបក្ខពួក ៣នាក់ផ្សេងទៀត ត្រូវបានកម្លាំង សមត្ថកិច្ចធ្វើការ ឃាត់ខ្លួន បន្ទាប់ពីបានធ្វើ សកម្មភាព ឆក់ទូរស័ព្ទដៃ ពីជនរងគ្រោះ ដែលប្រព្រឹត្តទៅ នៅខាងមុខសាលាសន្ធម៉ុក សង្កាត់ទឹកល្អក់១ ខណ្ឌទួលគោក វេលាម៉ោង ៤ល្ងាចថ្ងៃ១ ខែកក្កដា ឆ្នាំ២០១៥។

ជនសង្ស័យដែលកម្លាំងសមត្ថកិច្ចធ្វើការឃាត់ខ្លួនខាងលើនេះមានឈ្មោះ ចាន់ គឹមលាង ភេទប្រុស អាយុ មានទីលំនៅមិន ពិតប្រាកដ។

ប្រភពព័ត៌មានបានឲ្យដឹងទៀតថា នៅថ្ងៃទី១ ខែកក្កដា ឆ្នាំ២០១៥ នៅចំណុច ខាងមុខ សាលាសន្ធម៉ុក មានជនសង្ស័យ៣នាក់ បានធ្វើសកម្មភាព ទូរស័ព្ទដៃiPhone 4 ពីជនរងគ្រោះ ម្នាក់ លុះថ្ងៃទី២ ខែកក្កដា  ឆ្នាំ២០១៥ វេលាម៉ោង ៤ល្ងាច ទើបកម្លាំង សមត្ថកិច្ចធ្វើការ ឃាត់បាន ជនសង្ស័យម្នាក់  នូវចំណុច ខាងមុខ សាលាសន្ធម៉ុក សង្កាត់ទឹកល្អក់១ ខណ្ឌទួលគោក។

បច្ចុប្បន្ន ជនសង្ស័យត្រូវបានឃុំខ្លួនជាបណ្តោះអាសន្ន ដើម្បីនាំខ្លួនយក ទៅសួរនាំ និងដោះស្រាយ តាមនីតិវិធីច្បាប់៕

ផ្តល់សិទ្ធដោយ ដើមអម្ពិល