ភ្នំពេញ៖ សពបុរសមិនស្គាល់ អត្តសញ្ញាណម្នាក់ ត្រូវប្រជានេសាទ ប្រទះឃើញអណ្តែតទឹក អែបច្រាំងទន្លេសាប ស្ថិតក្នុងសង្កាត់ ព្រែកតាសេក ខណ្ឌជ្រោយចង្វារ បង្កឱ្យមានការភ្ញាក់ផ្អើល កាលពីវេលាម៉ោង ៤និង៣០នាទីរសៀល ថ្ងៃទី១ កក្កដា ២០១៥ ។

សពទើបតែត្រូវសមត្ថកិច្ច ចុះមកពិនិត្យ ចាត់ចែងនៅ ម៉ោង៨ព្រឹក ថ្ងៃទី២ ខែកក្កដា នេះទេ ដោយសារម្សិលមិញមានភ្លៀង និងខ្យល់ខ្លាំង ។

សពមិនត្រូវបាន គេស្គាល់អត្តសញ្ញាណទេ មានអាយុប្រហែល ជាង៣០ឆ្នាំ ស្លៀកខោខូវប៊យ ពណ៌ខ្មៅ ពាក់អាវសឆ្នូតខ្មៅ ។

គេមិនទាន់ដឹងថា ការស្លាប់របស់ជនរងគ្រោះ ដោយសារមូលហេតុ អ្វីពិតប្រាកដនៅ ឡើយទេ ខណៈនេះសមត្ថកិច្ចជំនាញ បានចាត់ចែង អូសឡើង មកលើគោកហើយ ដឹកយកទៅដាក់ នៅឈាបនដ្ឋាន វត្តព្រែកតាគង់ ដើម្បីធ្វើកោសល្យវិច័យ៕

ផ្តល់សិទ្ធដោយ ដើមអម្ពិល