ភ្នំពេញ៖ បន្ទាប់ពីផ្ទុះព័ត៌មាន ខេម ផ្ទុះសំឡេងរិះគន់ ពី​ក្នុង​ផលិត​កម្ម លើ​អត្ត​ចរឹត​ ឆ្មើង​ឆ្មៃ ធ្វើឲ្យមាន ប្រតិកម្ម ពីទស្សនិកជន យ៉ាងខ្លាំង ដោយពួកគេ ភាគច្រើន បានបញ្ចេញមតិ វាយប្រហារ តារាចម្រៀងរូបនេះ យ៉ាងចាស់ដៃ ពេញបណ្តាញសង្គម។

តបទៅនឹង ព័ត៌មាន ដែលបាន លេចលឺ ខាងលើ ភាគីខាង ផលិតកម្មថោន ក៏បានបង្ហោះ ការឆ្លើយតប តាមរយៈ ទំព័រហ្វេសប៊ុក ផ្លូវការ របស់ក្រុមហ៊ុន ដែលមានឈ្មោះថា "Official Town Production" បដិសេធ ចំពោះព័ត៌មាន នេះទាំងស្រុង ដោយអះអាងថា នេះគ្រាន់តែ ជាការញុះញង់ ចង់ឲ្យគេស្អប់ តារាចម្រៀង រូបនេះប៉ុណ្ណោះ ដោយលើកឡើងទៀតថា វាជាការលើកឡើង ដោយពុំមាន ប្រភពច្បាស់លាស់។

លើសពីនេះទៅទៀតនោះ ផលិតកម្មថោន ក៏បានបញ្ជាក់ ផងដែរថា នៅក្នុងផលិតកម្ម ពុំដែលមានរឿង បែបនេះ កើតឡើងឡើយ ព្រោះបុគ្គលិក ទាំងអស់ សុទ្ធតែស្រលាញ់ និងសាមគ្គីគ្នា។

គួររំលឹកផងដែរថា ព័ត៌មានដែលថា លោកខេម មានអត្តចរិត ឆ្មើងឆ្មើង ត្រូវបានផ្ទុះឡើង ស្របពេលនឹងបទ ចម្រៀង ដ៏ល្បីរបស់លោក ខេម គឺបទ "ទឹកភ្នែកក្មេងពាល" បានចេញជា វីដេអូចម្រៀង លក់នៅលើទីផ្សារ ក្រោយពេល តែមួយថ្ងៃប៉ុណ្ណោះ៕

តារាចម្រៀង ខេម របស់ផលិតកម្មថោន

ប្រភព ៖ ហ្វេសប៊ុក

ដោយ៖ អេរិច

ខ្មែរឡូត