ឪពុកបោះពូថៅចំក្បាលកូនស្រី មុតផុងលលាដ៍សន្លប់ ក្នុងថ្លុកឈាម

ឪពុកបោះពូថៅចំក្បាលកូនស្រី មុតផុងលលាដ៍សន្លប់ ក្នុងថ្លុកឈាម

ខេត្តស្វាយរៀង ៖ ក្មេងស្រីអាយុ១២ឆ្នាំម្នាក់ បានរងបួសធ្ងន់ធ្ងរសន្លប់ នៅនឹង កន្លែងដោយសារតែ ឪពុកបោះពូថៅពីលើដើមកកោះ ធ្លាក់ចំក្បាល បណ្តាលឲ្យផ្លែពូថៅ មុតក្បាលដូចគេ កាប់ក្បាលមួយពូថៅ ផុងលលាដ៍សន្លប់ក្នុងថ្លុកឈាមគួរឲ្យសង្វេក ។ ករណីដ៏រន្ធត់នេះកើតឡើង កាលពីវេលាម៉ោង ១រសៀល ថ្ងៃទី២៦ មិថុនា ២០១៥ នៅភូមិត្រពាំងរំដេញ ឃុំអង្គប្រស្រែ ស្រុករមាសហែក ។

បើតាមឪពុកឈ្មោះហែម ឈន អាយុ៣២ឆ្នាំ បានឲ្យដឹងថា កូនស្រីរងគ្រោះ ឈ្មោះហែម សុខណា ភេទស្រី អាយុ១២ឆ្នាំ រងរបួសក្បាលធ្ងន់ធ្ងរ ដូចគេកាប់ក្បាលមួយពូថៅ ផុងលលាដ៍ ដួលសន្លប់ក្នុងថ្លុកឈាម ។ បុរសជាឪពុកបន្តទៀតថា មុនពេលកើតហេតុ កូនៗឃ្លានចំណី ហើយក៏គ្មាន អ្វីឲ្យកូនៗហូប ក៏បណ្តើរកូនៗទៅបេះផ្លែក កោះនៅក្រោយផ្ទះចម្ងាយ១០០ម៉ែត្រ ពេលទៅដល់ដើមក កោះខ្ជិលបេះ និងទម្ពក់ក៏យកពូថៅឡើង កាប់មែកកកោះយកផ្លែ និងយកមែកធ្វើអុសដុតផង ហើយដើមកកោះ កម្ពស់ប្រមាណ៤ម៉ែត្រ ។ ពេលកាប់មែក កកោះធ្លាក់ដល់ដី កូនៗ៣នាក់ចូលបេះផ្លែកកោះហូប រីឯគាត់ជា ឪពុកក៏មើលទៅ ខាងលិចដើម កកោះពុំមានឃើញកូនណាទេ ឃើញកូនៗនៅខាងកើតដើមទាំងអស់ក៏បោះពូថៅ ទម្លាក់មកដីចម្ងាយ ប្រមាណ ជា៥ម៉ែត្រពីដើម ស្រាប់តែមានកូនស្រី ម្នាក់អង្គុយក្នុងគម្ពោធព្រៃរត់ចេញមកសំដៅ ចូលបេះផ្លែកកោះដែរ ក៏ធ្លាក់ពូថៅចំក្បាល ដូចគេកាប់ពុះពីលើក្បាល មុតផុងលលាដ៍ហូរឈាម ស្រោចផ្ទៃមុខ ដួលសន្លប់នៅក្នុងថ្លុកឈាម ។

ខណៈនោះ គាត់ក៏បីកូនរត់មកផ្ទះ រួចហៅរថយន្តសាមុយ ដឹកមកមណ្ឌលសុខភាព ប៉ុន្តែដោយរបួសធ្ងន់ធ្ងរ គ្រូពេទ្យក៏បញ្ជូនមកកាន់មន្ទីរពេទ្យខេត្ត ដើម្បីសង្គ្រោះ បន្ទាប់មកគ្រូពេទ្យក៏បញ្ជូន ទៅមន្ទីរពេទ្យគន្ធបុប្ផា រាជធានីភ្នំពេញដើម្បីសង្គ្រោះបន្តទៀត ។

នេះគឺមកពីការ ធ្វេសប្រហែសរបស់ឪពុក មិនដឹងថា វាសនាក្មេងស្រី រងគ្រោះទៅជាយ៉ាងណាទេ ៕