បរទេស៖ ខ្សែអាត់វីដេអូ គួរឲ្យភ័យខ្លាចមួយ ស្តែងអំពីសម្មភាពលងបន្លាច របស់ខ្មោច ដោយធ្វើការ រំកិលគ្រឿងសង្ហារឹម ទៅវិញទៅមក ត្រូវបានថតជាប់ ដោយកាមេរ៉ាសុវត្ថិភាព នៅឯសណ្ឋាគារ មួយកន្លែង។

បុរសម្នាក់បានរត់ចេញ មុនពេលដែល កៅអីនោះរំកិល

តាមរយ:វីដេអូ បង្ហាញឲ្យឃើញថា ស្រ្តីម្នាក់ កំពុងតែអង្គុយ ចុចទូរស័ព្ទដៃ របស់ខ្លួនតែម្នាក់ឯង នៅក្នុងបន្ទប់ នៃសណ្ឋាគារនោះ។ ពេលដែលនាង កំពុងតែចុចទូរស័ព្ទ នាងក៏បានងាក ទៅមើលខាងក្រោយ ២-៣ដង តែមិនប្រាកដ ថានាងកំពុង រកមើលអ្វីនោះទេ។ ខណៈពេលដែលនាង ងាកមកចុចទូរស័ព្ទវិញ ស្រាប់តែកៅអី ដែលនៅជិតនោះ បានរំកិលយ៉ាងខ្លាំង ធ្វើឲ្យនាងលោតចេញពីកៅអី ទាំងភ័យខ្លាច និងរន្ធត់យ៉ាងខ្លាំង។

ពេលនោះ នាងបានព្យាយាម រត់ចេញពីក្នុងបន្ទប់នោះដែរ តែត្រូវ តុវែងចំនួនពីរ និងកៅអីជាច្រើន រំកិលទៅបាំង មាត់ទ្វារបន្ទប់ ធ្វើឲ្យនាងដួលបោកទៅលើឥដ្ឋយ៉ាងខ្លាំង បណ្តាលឲ្យសន្លប់បាត់ស្មារតីតែម្តង។ ជាងនេះទៅទៀត បើទោះបីជានាង បានសន្លប់ស្តូកស្តឹង ទៅហើយក្តី ក៏កៅអីទាំងនោះ នៅតែកំរើក ទៅវិញទៅមក ទៀតផង៕

សូមប្រិយមិត្ត ទស្សនាវីដេអូ ដើម្បីជ្រាបកាន់តែច្បាស់៖

ស្រ្តីម្នាក់ត្រូវដួល នៅលើឥដ្ឋ ដោយសារតុ និងកៅអីទាំងនោះ>>>

ប្រភព៖ បរទេស

កែសម្រួលដោយ ឌី

ខ្មែរឡូត