ផ្ទះគ្រូបង្រៀនម្នាក់ ត្រូវក្រុមចោរ គាស់បង្អូច លួចលុយ និងគ្រឿងអលង្ការ អស់ជិត ១០ម៉ឺនដុល្លារ

ផ្ទះគ្រូបង្រៀនម្នាក់ ត្រូវក្រុមចោរ គាស់បង្អូច លួចលុយ និងគ្រឿងអលង្ការ អស់ជិត ១០ម៉ឺនដុល្លារ

ខេត្តសៀមរាប ៖ ផ្ទះអ្នកគ្រូបង្រៀនម្នាក់ ត្រូវក្រុមចោរគាស់ បង្អួចចូលលួចយកលុយ និងគ្រឿងអលង្ការ ដែលជាទ្រព្យកេរពីឪម្តាយអស់ជាច្រើន ខណៈដែលពួកគាត់ចេញ ទៅធ្វើការបាត់អស់ កាលពីវេលាម៉ោង១១និង៣០នាទី ថ្ងៃត្រង់ថ្ងៃទី២៤ ខែមិថុនា ក្នុងផ្ទះជនរងគ្រោះ នៅភូមិតាវៀន សង្កាត់សាលាកំរើក ក្រុងសៀមរាប ។

តាមប្រភពពី សមត្ថកិច្ចមូលដ្ឋាន ឲ្យដឹងថា ម្ចាស់ផ្ទះឈ្មោះ តូ ផល្លី អាយុ៥៣ឆ្នាំ ជាគ្រូបង្រៀននៅ វិទ្យាល័យ១០មករា ជាស្ត្រីមេម៉ាយ មានកូនស្រី២នាក់ ចំណែកទ្រព្យសម្បត្តិ ដែលបាត់ រួមមាន ៖ ១-ប្រាក់អាមេរិកចំនួន៣.៤០០ដុល្លារ ២-ប្រាក់ខ្មែរចំនួន ២លាន៨០ម៉ឺនរៀល ៣-ក្រវិលត្បូងប៉ៃលិន១០គូ ៤-ក្រវិលពេជ្រ៣គូ ៥-មាស១តម្លឹង ៦-ខ្សែដៃពេជ្រ៣ខ្សែ ៧-ខ្សែ.កពេជ្រ២ខ្សែ ៨-ខ្សែ.កមាស១ខ្សែ ទម្ងន់៥ជី ៩-ខ្សែ.កប្លាទីន៣ខ្សែ ស្មើ១តម្លឹង ១០-ចិញ្ចៀនប្លាទីន៣វង់ ស្មើ១តម្លឹង ១១-ខ្ទាស់អាវធ្វើ ពីមាសដាំពេជ្រ១ និង១២-ប្រាក់ណែន ពីបុរាណ១ដុំ ស្មើ១គីឡូក្រាម ។ សរុបទាំង១២មុខនេះ អាចមានតម្លៃ រហូតដល់ជាង១០ម៉ឺនដុល្លារ ។

សមត្ថកិច្ចកំពុង ដុតដៃដុតជើង ស្រាវជ្រាវស្វែងរក មុខសញ្ញាយកមកផ្តន្ទាទោស ទៅតាមផ្លូវច្បាប់ ៕