ព្រះសីហនុ៖ បុរសស្រវឹងខួបម្នាក់ ត្រូវបានសមត្ថកិច្ច ធ្វើការឃាត់ខ្លួន បន្ទាប់ពីប្រើហឹង្សា យកដុំថ្មវាយ ទៅលើក្បាលប្រពន្ធ បណ្ដាលឲ្យ បែកចេញឈាម ដេកដួលសន្លប់ ទៅនឹងដី ព្រោះតែបុរសខាងលើ ខឹងប្រពន្ធ ស្ដីបន្ទោសរឿង ផឹកស្រាស្រវឹង រាល់ថ្ងៃ។ ករណីនេះបានកើតឡើង កាលពីវេលា ម៉ោង៩យប់ ថ្ងៃទី២៣ ខែមិថុនា ឆ្នាំ២០១៥ កន្លងទៅនេះ ស្ថិតនៅចំណុច ខាងក្រោយឃ្លាំង ស៊ីម៉ង់ត៍ ម្ដុំស្ថានីយ៏រថភ្លើង ក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។

ប្រភពពីអ្នកជិតខាង បានឲ្យដឹងថា នៅមុនពេលកើតហេតុ បុរសជាប្ដីបាន វិលត្រឡប់មកពី កន្លែងផឹកស៊ី ស្ថិតក្នុងអាការៈ ស្រវឹងស្រាជោគ។ ចំណែកប្រពន្ធ ពេលឃើញប្ដី ស្រវឹងក៏បានធ្វើការ រករឿងស្ដីបន្ទោស ពីរឿងដើរផឹកស៊ី គ្មានគិតជួយ ធ្វើការរកស៊ី ធ្វើឲ្យប្ដីខឹងក៏តមាត់ បង្កទៅជាជម្លោះ ប្រវ៉ាយប្រតប់គ្នា ហើយប្ដី ដែលមាន កម្លាំងជាង ក៏បានវាយទៅ លើប្រពន្ធឡើង ទ្រោមរួចហើយក៏ រើសយកដុំថ្មធំមួយ វាយទៅលើ ប្រពន្ធបណ្ដាល ឲ្យត្រូវខ្លួន និងក្បាលបែក ចេញឈាមជាច្រើន កន្លែងរហូត ដេកដួលទៅនឹងដី សន្លប់តែម្ដង។ ក្រោយកើតហេតុ សមត្ថកិច្ចក៏ចុះទៅអន្តរាគមន៍ ឃាត់ខ្លួនបុរស ជាប្ដីយកទៅ កាន់អង្គភាព ចំណែកស្ត្រីជាប្រពន្ធ ត្រូវបានអ្នកជិតខាង បញ្ជូនទៅកាន់មន្ទីរពេទ្យ ដើម្បីធ្វើការ ព្យាបាលរបួស៕

ផ្តល់សិទ្ធដោយ ដើមអម្ពិល