ភ្នំពេញ៖ តារាចម្រៀងស្រីពីរដួង ក្នុងផលិតកម្ម ហង្សមាស អ្នកនាង ពេជ្រ សោភា និងកញ្ញា ទេព បូព្រឹក្ស អ្នកណាក៏ដឹង ថាអ្នកទាំងពីរ មិនសូវមានទំនាក់ទំនង ល្អជាមួយគ្នាទេ ។ មហាជនចាំបានថា ក្នុងថ្ងៃមង្គល អ្នកនាង ពេជ្រ សោភា តារាក្នុងផលិតកម្ម លេចមុខទាំងអស់ តែគ្មានវត្តមាន ទេព បូព្រឹក្ស នោះទេដោយ មិនដឹងថាគ្មានការអញ្ជើញ ឬអញ្ជើញ តែមិនមក។ កញ្ញា ទេព បូព្រឹក្ស ជាតារារាប់ញាតិ មិនងាយបាត់មុខ ពីកម្មវិធី អ្នកសិល្បៈទេ លើកលែងតែ គ្មានការអញ្ជើញ ទើបនាងមិនទៅ ព្រោះសូម្បីតែ កម្មវិធីអ្នកសិល្បៈ មិនល្បីសោះបើអញ្ជើញ គឺទៅភ្លាម ។

ថ្មីៗនេះរឿងចៃដន្យ បានកើតឡើង រវាងតារាចម្រៀងទាំងពីរ ព្រោះពួកនាងនាំគ្នា លេងស្ទីលពាក់ មេសោរនៅនឹងកដូចគ្នាខណៈ ពេជ្រ សោភា បានបង្ហោះរូបភាព មួយសន្លឹក សក់ខ្លី លាបពណ៌ខៀវតិចៗ ជាមួយនឹងខ្សែក មានមេសោរតូច មួយ។ ចំណែកឯ ទេព បូព្រឹក្ស វិញ ពាក់មេសោធំជាង ពេជ្រ សោភា សក់ខ្លីដូចគ្នា ដែលរូបនោះជារូបភាពសម្រាប់បទ ចម្រៀងអាល់ប៊ុម ទោលរបស់ ទេព បូព្រឹក្ស មើលទៅស្អាតម្យ៉ាងម្នាក់ មិនដឹងពួកនាង នឹកឃើញអីបាន លេងស្ទីលដូចគ្នា ធ្វើឲ្យអ្នកគាំទ្រ អ្នកទាំងពីរ កើតជាចម្ងល់។

នេះមិនមែនជា លើកទី១ទេ ដែលអ្នកទាំងពីរ ស្លៀកពាក់ជាន់គ្នា គេនៅចាំបានថាកាលពី ពេជ្រ សោភា ថតឲ្យទស្សនាវដ្ដីមួយ មានស្លៀករ៉ូប ពណ៌បៃតង ស្រាប់តែគេឃើញ ទេព បូព្រឹក្ស ស្លៀករ៉ូបតែមួយជាមួយ ពេជ្រ សោភា ក្នុងបទចម្រៀង I like That Boy ដែរហើយមិនដឹង ថាជារឿងចៃដន្យ ឬចេតនានោះឡើយ៕

ផ្តល់សិទ្ធដោយ ដើមអម្ពិល