ខេត្តកោះកុង ៖ ​បើតាមអ្នកឆ្លើយឆ្លង​ ព័ត៌មានកោះសន្តិភាព​បានឲ្យដឹង ជំហានដំបូងថា ​ទូកដឹកទំនិញ​មួយគ្រឿងបាន​លិចដោយសារ​ រលកបោកបក់ខ្លំាង ខណៈដឹកទំនិញ​ចេញពី ប្រទេសថៃ​យកមកផ្ទុក​នៅក្រុងខេមរភូមិន្ទ ។

ឧបទ្ទវហេតុនេះ ​បានកើតឡើង​ នៅម៉ោង១០និង៤៥នាទី​ព្រឹកថ្ងៃទី២៣​ មិថុនា ២០១៥​ នៅចំណុចមាត់ពាមបាក់ខ្លង ​ស្ថិតក្នុងឃុំបាក់ខ្លង​ ស្រុកមណ្ឌលសីមា ចម្ងាយ​ប្រមាណ៧គីឡូម៉ែត្រ​ ពីក្រុងខេមរភូមិន្ទ ។

សេចក្តីរាយការណ៍​បានបន្តថា ​ក្រោយកើតហេតុភ្លាមៗ ​ប៉ូលិសការពារព្រំដែន​ ទឹកវរៈសេនាតូច​លេខ២៦៩​ បានចេញអន្តរាគមន៍​ សង្រ្គោះមនុស្ស២នាក់ (កម្មករម្នាក់​និងអ្នកបើកបរម្នាក់) ​ដែលនៅលើទូក ។

ចំណែកទូកនិង​ទំនិញ ដែលមិនដឹង​ចំនួនពិតបា្រកដ​ បានត្រូវម្ចាស់ដែលគេ​ស្គាល់ថា ជាមន្រ្តីប៉ូលិស​ខេត្តមួយ រូបអូស​ទៅកាន់គោលដៅ​នៅ ក្រុងខេមរភូមិន្ទ​វិញ​ហើយ​នៅ រសៀលថ្ងៃ​អង្គារដដែលនេះ ។

ផ្តល់សិទ្ធដោយ កោះសន្តិភាព