ចិន៖ វាជារឿងចម្លែកទៀតហើយ ដែលបុរសម្នាក់ ត្រូវបានចាប់ខ្លួន ក្រោយពីប៉ូលិស ស្រាវជ្រាវរកឃើញថា គាត់បានលួចខោអាវក្នុងនារី ជាង១៥០គូ ដាក់ពេញគ្រែគេង របស់គាត់។

គ្រែគេងលោក Liang ដែលពេញ ទៅដោយ ខោអាវក្នុងនារី 

បើតាមប្រភពព័ត៌មាន បានឲ្យដឹងថា បុរសម្នាក់នោះ មានត្រកូល Liang អាយុ៤៤ឆ្នាំ រស់នៅក្រុង Linyi ខេត្ត Shandong ត្រូវបានប៉ូលិស កំណត់អត្តសញ្ញាណ និងឈានដល់ការ ចាប់ខ្លួនគាត់ ដោយសារវីដេអូ កាម៉េរាសុវត្ថិភាព របស់ហាង មួយកន្លែង។ 

នៅក្នុងវីដេអូបាន បង្ហាញថា លោក Liang បានជិះឡានរបស់គាត់ មកឈប់នៅមុខហាងមួយ ដែលមានហាល ខោអាវក្នុងនារី នៅពីមុខនោះ។ គាត់បានចុះពីលើឡាន រួចក្រឡេកមើលឆ្វេងស្តាំ ហើយក៏ធ្វើសកម្មភាព លួចយក ខោអាវក្នុងនារី ពីរបីគូតែម្តង។

រូបថត បង្ហាញពី សកម្មភាព លោក Liang លួចខោអាវក្នុងនារី

ក្រោយពេលដែល ប៉ូលិសបានចាប់ខ្លួន លោក Liang ក៏បានសារភាពថា គាត់បានធ្វើសកម្មភាព លួចខោអាវក្នុងនារី រយៈពេលបីឆ្នាំ កន្លងមកហើយ។

គាត់បាននិយាយថា៖ "ខ្ញុំគេងមិនលក់ទេ ប្រសិនបើខ្ញុំមិនបានហិតក្លិន ខោអាវក្នុងនារី ដែលខ្ញុំលួចបានពីគេ"។ គាត់បានបន្ថែមទៀតថា៖ "ខ្ញុំមានជំងឺ គេងមិនលក់ធ្ងន់ធ្ងរ និងពិបាកក្នុងការគេងណាស់"៕

ប្រិយមិត្តគិតយ៉ាងណាដែរ ចំពោះករណីចម្លែក បែបនេះ?

ប្រភព shanghaiist

ដោយ លូហាន

ខ្មែរឡូត