នារីម្នាក់ត្រូវ ប្រុសស្នេហ៍ នាំទៅដេក ផ្ទះសំណាក់ ហើយបោក យកម៉ូតូ ទៅបញ្ចាំបាត់

នារីម្នាក់ត្រូវ ប្រុសស្នេហ៍ នាំទៅដេក ផ្ទះសំណាក់ ហើយបោក យកម៉ូតូ ទៅបញ្ចាំបាត់

រាជធានីភ្នំពេញ ៖ នារីម្នាក់ ព្រមទាំងក្រុមគ្រួសារបាន ធ្វើដំណើរមកប្តឹងនគរបាល ប៉ុស្តិ៍បឹងសាឡាងនៅថ្ងៃទី២២ មិថុនា នេះបន្ទាប់ពីនារីរូបនោះ លង់ខ្លួនចូលផ្ទះសំណាក់ ជាមួយគូស្នេហ៍ ហើយត្រូវបានគូស្នេហ៍ បោកយកម៉ូតូមួយគ្រឿងម៉ាកឌ្រីមC125 ពណ៌ខ្មៅ ពាក់ស្លាកលេខភ្នំពេញ១CH០២៧៩ យកទៅបញ្ចាំបាត់។

នារីដែលចាញ់ កលប្រុសស្នេហ៍រូបនោះ មានអាយុ២០ឆ្នាំ ជាសិស្ស មានទីលំនៅសង្កាត់ដង្កោ ខណ្ឌដង្កោ ចំណែកប្រុសស្នេហ៍ឈ្មោះជា បញ្ញា អាយុ២០ឆ្នាំ ស្នាក់នៅក្រោយវិទ្យាល័យជាស៊ីម សាមគ្គី សង្កាត់បឹងសាឡាង។ ជនសង្ស័យ ឈ្មោះជា បញ្ញា ត្រូវក្រុមគ្រួសារនារីខាងលើ ប្តឹងចោទប្រកាន់ថា បង្ខាំងកូនស្រីគាត់ហើយ បោកយកម៉ូតូទៅបាត់ទៀត។

តាមការឱ្យដឹងពី នារីរងគ្រោះបានឱ្យដឹងថា រូបនាង និងជនសង្ស័យបាន ស្រឡាញ់គ្នារយៈពេល៣ឆ្នាំហើយ ហើយនៅថ្ងៃទី១៩ មិថុនា វេលាម៉ោង៩ព្រឹក ជនសង្ស័យបានហៅ នាងចេញមកក្រៅ លុះដល់ពេលរសៀល ពួកគេក៏នាំគ្នាទៅដេកផ្ទះសំណាក់ យីហោស៊ីយ៉ុង ក្នុងភូមិត្រពាំងឈុក សង្កាត់ទឹកថ្លា ។

នារីរងគ្រោះបន្តថា បន្ទាប់ពីនាងដេកលក់ ជនសង្ស័យបានលួចម៉ូតូ របស់នាងយកទៅបញ្ចាំបាត់ ដោយខ្លាចឪពុក ម្តាយស្តីបន្ទោសរឿងបាត់ម៉ូតូ នាងមិនហ៊ានចូលផ្ទះទេ។ លុះនៅថ្ងៃទី២១ មិថុនា វេលាម៉ោង២រសៀល ស្រាប់តែបងប្អូនរបស់ នាងប្រទះឃើញនាង និងគូស្នេហ៍នៅតាមផ្លូវ ក្នុងសង្កាត់បឹងសាឡាងក៏ ហៅត្រឡប់ទៅផ្ទះវិញ ហើយនាំនាងទៅដាក់ពាក្យប្តឹង ចំណែកជនសង្ស័យ បានរត់គេចខ្លួនបាត់។

ខណៈពេល សមត្ថកិច្ចកំពុងសួរនាំ នារីរងគ្រោះបានដួលសន្លប់ ដោយសារតែភ័យខ្លាច ឪពុកម្តាយស្តីបន្ទោស ។ បន្ទាប់ពីសួរនាំរួច ដោយសាររឿងហេតុ កើតនៅសង្កាត់ទឹកថ្លា សមត្ថកិច្ចបានណែនាំ ឱ្យនារីរងគ្រោះ និងសាច់ញាតិទៅដាក់ពាក្យប្តឹងនៅ សង្កាត់ទឹកថ្លាវិញ៕