ភ្នំពេញ៖ ការដ្ឋានសំណង់មួយកន្លែង ដែលចាក់សាបឡប់ឡែ ខាងមុខផ្ទះ ខ្ពស់ហួសចិញ្ចើមផ្លូវ សាធារណៈ ត្រូវ បាន កម្លាំងអាជ្ញាធរ ខណ្ឌដូនពេញ ចុះផ្អាក ដោយទុករយៈពេលឲ្យ មួយសប្តាហ៍ដើម្បី ឲ្យម្ចាស់ការដ្ឋាន សំណង់នោះ រុះរ៉ើដោយខ្លួនឯង បើមិនអនុវត្តតាម ការណែនាំទេ នោះអាជ្ញាធរ មិនទទួលខុសត្រូវ ក្នុងការខូចខាត ទ្រព្យ សម្បត្តិឡើយ។

អាជ្ញាធរខណ្ឌដូនពេញ បានចុះផ្អាកការដ្ឋានសំណង់ ខាងលើនេះ បានធ្វើឡើង កាលពីរសៀលថ្ងៃទី២១ ខែមិថុនា ឆ្នាំ២០១៥ នៅចំណុចផ្ទះលេខ៣៩ ផ្លូវលេខ១៣ ភូមិ៦ សង្កាត់ផ្សារចាស់ ខណ្ឌដូនពេញ ដែលមានម្ចាស់ផ្ទះឈ្មោះ ហ៊ាង សុវណ្ណរ៉េត។

អាជ្ញាធរខណ្ឌដូនពេញ បានឲ្យដឹងថា បន្ទាប់ពីទទួលព័ត៌មានពី ប្រជាពលរដ្ឋជិតខាង បានរាយ ការណ៍ថា ការដ្ឋាន សំណង់ផ្ទះ មួយល្វែងនោះ បាននឹងកំពុងសាងសង់ ចាក់សាបឡប់ឡែខាងមុខផ្ទះ របស់ខ្លួន រំលោភលើកចិញ្ចើម ផ្លូវសាធារណៈ ចាក់ខ្ពស់ពីចិញ្ចើមផ្លូវ សាធារណៈ និងជាពិសេស ទៀតខ្ពស់ជាង ចិញ្ចើមផ្លូវ នៃផ្ទះអ្នកជិតខាងនោះ ទើបកម្លាំង អាជ្ញាធរ ខណ្ឌដូនពេញ ផ្នែកជំនាញសំណង់បាន ចុះទៅផ្អាកសំណង់នោះ ដោយបង្គាប់ឲ្យស្ត្រីម្ចាស់ផ្ទះ ត្រូវរុះរ៉ើចេញ ដោយទុកឱកាស ឲ្យក្នុងរយៈពេល១សប្តាហ៍ ធ្វើយ៉ាងណាត្រូវសាងសង់ ឲ្យដូច មុខផ្ទះអ្នកជិត ខាង បើមិន អនុវត្តតាមការណែនាំ នោះទេអាជ្ញាធរ នឹងចុះមកអនុវត្តម្តងទៀត ដោយមិនទទួលខុស ត្រូវក្នុងខូចខាត ទ្រព្យឡើយ៕

ផ្តល់សិទ្ធដោយ ដើមអម្ពិល