ភ្នំពេញ : លោក ទៀង ចាន់សា អធិការនគរបាល ខណ្ឌឫស្សីកែវ បានអោយដឹងថា នៅថ្ងៃទី ២២ខែមិថុនា ឆ្នាំ២០១៥ វេលាម៉ោង៩ព្រឹក កម្លាំងអធិការដ្ឋាន សហការជាមួយកម្លាំង សមត្ថកិច្ចប៉ុស្តិ៍ គីឡូម៉ែត្រលេខ៦ បានធ្វើការឃាត់ ខ្លួនជនសង្ស័យម្នាក់ ដែលជាមុខសញ្ញាឆក់ ក្រោយរត់គេចខ្លួន បានមួយរយៈ។

ជាសង្ស័យមានឈ្មោះ ណុប សំណាង ហៅអាវឹក ភេទប្រុស អាយុ ២៥ឆ្នាំ ដែលបានធ្វើសកម្មភាព ឆក់កាបូប របស់ប្រជាពលរដ្ឋកាល ពីថ្ងៃទី២៦ ខែឧសភា ឆ្នាំ២០១៥ នៅចំណុចផ្លូវជាតិលេខ៥ សង្កាត់គីឡូម៉ែត្រលេខ៦ ដែលករណីនេះបន្ទាប់ ពីធ្វើសកម្មភាព ឆក់រួច ជនសង្ស័យក៏បានគេច ខ្លួនបាត់ ។

លោក លោក ទៀង ចាន់សា អធិការនគរបាល ខណ្ឌឫស្សីកែវ បានអោយដឹងទៀតថា ក្រោយពីទទួល បានបណ្តឹង របស់ជនរងគ្រោះ កម្លាំងសមត្ថកិច្ច បានបន្តការស្រាវជ្រាវ រហូតឈានដល់ការឃាត់ខ្លួនជនសង្ស័យ នៅចំណុចផ្លូវ លេខ៥ ទល់មុខស្ថានីយ៍ទូរទស្សន៍CTN។

តាមការសាកសួរបឋមជនសង្ស័យបានឆ្លើយសារភាពថា ខ្លួនពិតជាបានប្រព្រឹត្តដូចករណីខាងលើ ពិតប្រាកដ មែន។ក្រោយធ្វើការសាកសួរជនសង្ស័យត្រូវបាន កសាងសំណុំរឿងបញ្ជូន ទៅតុលាការដោះស្រាយតាមនីតិ វិធីច្បាប់៕

ផ្តល់សិទ្ធដោយ ដើមអម្ពិល