សៀមរាប៖ កាលពីព្រឹក ថ្ងៃទី២១ ខែមិថុនា ឆ្នាំ២០១៥ ម្សិលមិញនេះ ជាលើកទី១ នៃទិវាអន្តរជាតិ ស្តីពីយូហ្គា (International Day of Yoga) ដែលមាន បណ្តាលប្រទេស ជាច្រើន នៅជុំវិញពិភពលោក បានចូលរួម។ ជាមួយគ្នានេះផងដែរ ប្រទេសកម្ពុជា ក៏មានវត្តមាន ចូលរួមក្នុងព្រឹត្តិការណ៍ អន្តរជាតិមួយនេះដែរ ដោយបានរៀបចំឡើង នៅពីមុខ ប្រាសាទអង្គរវត្ត និងមានអ្នកចូលរួម យ៉ាងច្រើនកុះករ។

រូបភាពអ្ននចូលរួមក្នុងទិវាយូហ្គាអន្តរជាតិ (International Day of Yoga) នៅមុខប្រាសាទអង្គរវត្ត

យោងតាមរូបភាព ជាច្រើនសន្លឹក នៅលើបណ្តាញសង្គម ហ្វេសប៊ុក បានបង្ហាញឲ្យឃើញថា កាលពីព្រឹក ថ្ងៃទី២១ ខែមិថុនា ឆ្នាំ២០១៥ ម្សិលមិញនេះ គឺជាលើកដំបូង នៃទិវាអន្តរជាតិ ស្តីពីយូហ្គា (International Day of Yoga) ដែលមានមនុស្ស ដល់ទៅរាប់លាននាក់ នៅជុំវិញ ពិភពលោក បានចូលរួម ហាត់យូហ្គា នេះ។

បន្ថែមពីនេះទៅទៀត ទិវានេះ ពិតជាមាន សារៈប្រយោជន៍ណាស់ ចំពោះការធ្វើសមាធិ សម្រួលអារម្មណ៍ ទាំងផ្លូវកាយ និងផ្លូវចិត្ត ព្រមទាំង ធើ្វឲ្យសុខភាព និងរាងកាយ បានមាំមួន ល្អទៀតផង។ ជាពិសេសទៅទៀត ទិវាមួយនេះ ក៏ទទួលបាននូវ ការចាប់អារម្មណ៍ យ៉ាងខ្លាំង ពីអ្នកចូលរួម ក៏ដូចជាភ្ញៀវទេសចរ ទាំងអស់ ដោយទិវានេះ បានរៀបចំផ្ទាល់ នៅពីមុខបរិវេណ ប្រាសាទអង្គរវត្ត ដែលជា បេតិកភណ្ឌជាតិខ្មែរ ដ៏ល្បី នៅលើសកលលោក។

រូបភាពអ្ននចូលរួមក្នុងទិវាអន្តរជាតិ ស្តីពីយូហ្គា (International Day of Yoga) នៅមុខប្រាសាទអង្គរវត្ត

គួរបញ្ជាក់ផងដែរថា ទិវានេះ ត្រូវបានផ្តួចផ្តើមឡើង ដោយលោកនាយករដ្ឋមន្រ្តី នៃប្រទេសឥណ្ឌា ដែលបានដាក់ សំណើរ នេះទៅកាន់ មហាសន្និបាត អង្គការសហប្រជាជាតិ នៅថ្ងៃទី ២៧ ខែកញ្ញា ឆ្នាំ២០១៤​ ដើម្បីប្រារព្ធទិវានេះ ជារៀងរាល់ឆ្នាំ តែម្តង៕






រូបភាពអ្ននចូលរួមក្នុងទិវាអន្តរជាតិ ស្តីពីយូហ្គា (International Day of Yoga) នៅមុខប្រាសាទអង្គរវត្ត

ប្រភព៖ ហ្វេសប៊ុក

កែសម្រួលដោយ ឌី

ខ្មែរឡូត