ភ្នំពេញ៖ បន្ទាប់ពីតារាសម្តែង អ្នកនាង ចនច័ន្ទ លក្ខិណា បានប្រកាស ចំណងស្នេហ៍ថ្មី ជាសារធាណៈ ជាមួយនឹង បុរសជំនួញម្នាក់រួចមក តែងតែ ឃើញ ពួកគេបណ្តើរគ្នាយ៉ាងត្រសង ទៅចូលរួម ក្នុងកម្មវិធីនានា។

កាលពីម្សិលមិញនេះ តាមរយៈទំព័រហ្វេសប៊ុកមួយ បានបង្ហោះពីទិដ្ឋភាពក្នុង ថ្ងៃខួបកំណើត របស់អ្នកនាង ចនច័ន្ទលក្ខិណា ដែល គូស្នេហ៍ របស់ នាង ក៏មានវត្តមានក្នុងនោះផងដែរ។ បើក្រឡេក មើលរូបថត គឺពិធីខួបកំណើត របស់តារាស្រីរូបនេះ ហាក់ដូចជា ធ្វើបែបសាមញ្ញ ដោយមាន អ្នករួមអាជីព សិល្បៈមួយ ចំនួនប៉ុណ្ណោះ បានចូលរួម ព្រោះប្រហែលជានាង មិនចង់ធ្វើពិធីធំដុំ គ្រាន់តែចង់ ជួបជុំក្រុមគ្រួសារ និងមិត្តភក្តិ។ មិនតែ ប៉ុណ្ណោះ គូស្នេហ៍របស់ អ្នកនាង ចនច័ន្ទ លក្ខិណា បានឲ្យជាខ្សែក ពេជ្រមួយខ្សែ ដ៏មានតម្លៃ សម្រាប់ជាកាដូ ក្នុងថ្ងៃខួប កំណើតរបស់នាង ទៀតផង។

ចំពោះអ្នកនាង ចនច័ន្ទលក្ខិណា ពិតជាសប្បាយរីករាយ ដោយបានបញ្ចេញស្នាមញញឹមយ៉ាងខ្លាំង ក្នុងថ្ងៃខួប កំណើតរបស់នាង ដែលទទួលបាន កាដូ គួរជាទីគាប់ចិត្តបែបនេះ៕

រូបថតក្នុងថ្ងៃខួបកំណើតរបស់នាង

ប្រភព ហ្វេសប៊ុក

ដោយ៖ កា

ខ្មែរឡូត