កំពង់ឆ្នាំង៖ រថយន្ត Camry បាឡែនមួយគ្រឿង ពណ៌ស្ករ ពាក់ស្លាកលេខ ភ្នំពេញ 2E-9572 បាន បើកធ្លាក់ផ្លូវ បណ្តាលឲ្យដាច់កង់ ក្រោយ ផ្នែកខាងឆ្វេង នៅចំណុចផ្លូវកោង តាមបណ្តោយ ផ្លូវជាតិលេខ៥ ចន្លោះគីឡូម៉ែត្រ ៩៩-១០០ ស្ថិតក្នុងភូមិសាស្ត្រ ភូមិចំការឃ្លៃ ឃុំស្វាយជ្រុំ ស្រុករលា ប្អៀរ ខេត្តកំពង់ឆ្នាំង នៅរសៀលថ្ងៃទី១៨ ខែមិថុនានេះ ខណៈមេឃកំពុងតែមានភ្លៀងធ្លាក់ផងនោះ។  

អ្វីដែលគួរឲ្យភ្ញាក់ផ្អើលនោះ នៅពេលរថយន្តខាង លើបើធ្លាក់ផ្លូវស្រាប់តែ ខ្ជាក់ចេញ នូវឈើ គ្រញូងចំនួន ៦៩៥ គីឡូក្រាម ស្មើនឹង១៥៧ដុំ នេះបើ តាមការបញ្ជាក់ របស់មន្ត្រីរដ្ឋបាល ព្រៃឈើ។

សមត្ថកិច្ចនគរបាលបានបញ្ជាក់ឲ្យដឹងថា ក្រោយពីរថយន្តខាងលើជួបគ្រោះថ្នាក់ មានរថយន្ត បក្ខពួករបស់គេ ចំនួន២គ្រឿងផ្សេងទៀត បម្រុងមក រំដោះយកឈើចេញ តែដោយមាន ប្រជាពលដ្ឋចោមរោមច្រើន និងមានកម្លាំងសមត្ថកិច្ចនៅទីនោះ ក៏នាំគ្នាបើករថយន្តគេចបាត់ ហើយរំដោះ យកអ្នក បើកបរទៅជាមួយ។ បច្ចុប្បន្នរថយន្ត និងឈើ ត្រូវបានយកមករក្សាទុកនៅ ខណ្ឌរដ្ឋបាលព្រៃឈើ កំពង់ឆ្នាំង ដើម្បីកសាងសំណុំរឿង ចាត់ការតាមនីតិវិធីច្បាប់៕

ផ្តល់សិទ្ធដោយ ដើមអម្ពិល