កូរ៉េខាងត្បូង៖ តារាសម្តែង និងជាតារាម៉ូដែលកូរ៉េម្នាក់ ដែលមានឈ្មោះថា Jung In Ah បានស្លាប់ហើយ ដោយសារតែ ឧបទ្ទវហេតុ លោតឆ័ត្រយោង។

តាមរយៈគេហទំព័រ Koreaboo បានឲ្យដឹងថា តារាសម្តែងស្រី វ័យ៣៥ឆ្នាំរូបនេះ បានបាត់ខ្លួន កាលពីថ្ងៃទី១៣ ខែមិថុនា ក្រោយពេលនាង លោតឆ័ត្រយោង ហើយទើបតែ កាលពីម្សិលមិញនេះទេ ដែលសាកសព របស់នាង ត្រូវបានគេរកឃើញ។

យោងតាមសម្តី របស់ប៉ូលីស បានជឿថា ការស្លាប់របស់ នាង Jung In Ah គឺដោយសារ ការចុះចត មិនត្រឹមត្រូវ ប៉ុន្តែបើនិយាយលើ ឆ័ត្រយោង របស់នាងវិញ គឺបានគ្រលាស់ តាមការគ្រោងទុក។

គួរបញ្ជាក់ផងដែរថា នាង Jung In Ah ត្រូវបានហាត់រៀន ខាងផ្នែក លោតឆ័ត្រយោង ជិតមួយឆ្នាំហើយ បើគិតមកដល់ ពេលនេះ គឺដើម្បីត្រៀមខ្លួន ក្នុងការថត ខ្សែភាពយន្តថ្មី ប៉ុន្តែជាអកុសល នាងបានស្លាប់ បាត់ទៅហើយ។ នៅពេលនាង បានហាត់រៀន លោតឆ័ត្រយោង នាងតែង បង្ហាញរូបថត ទៅដល់អ្នកគាំទ្រ តាមរយៈគណនី SNS របស់នាង ថាតើនាងពិតជា សប្បាយរីករាយប៉ុណ្ណា ពេលកំពុងហោះហើរ។

ចំពោះបុណ្យសព របស់នាង នឹងប្រារព្ធធ្វើឡើង នៅថ្ងៃទី១៩ ខែមិថុនា ខាងមុខនេះ ខណៈមនុស្ស ជាច្រើន រួមទាំងអ្នកគាំទ្រ របស់នាង បានចូលរួម រំលែកទុក្ខ យ៉ាងក្រៀមក្រំ បំផុតទៅកាន់នាង Jung In Ah ជាមួយនឹង សោកនាដកម្ម ដ៏សែនរន្ធត់ មួយនេះ ៕

តារាសម្តែង Jung In Ah

ប្រភព Koreaboo

ដោយ៖ កា

ខ្មែរឡូត