ព្រះសីហនុ៖ ស្នងការនគរបាល ខេត្ដព្រះសីហនុ លោកឧត្ដមសេនីយ៍ ជួន ណារិន្ទ បានបញ្ជាក់មុននេះថា ក្រោយការសួរនាំដោយ ផ្ទាល់ទៅលើ ជនរងគ្រោះរួចមក បានបង្ហាញ ឱ្យឃើញថា វាមិនមែនជា ករណីចាប់ជំរិត នោះឡើយ គឺជារឿងប្រឌិត ។ លោកឧត្ដមសេនីយ៍ បានបញ្ជាក់ថា “ក្រោយខ្ញុំសួរនាំផ្ទាល់ ជនរងគ្រោះនេះបាន ភូតកុហក ដូច្នេះមាន៤ចំណុច ដែលបង្ហាញថា រូបគេបង្កើតរឿងប្រឌិត” ។

សូមបញ្ជាក់ថា បុរសម្នាក់ឈ្មោះ យស់ គង់ភារ៉ា អាយុ២៧ឆ្នាំ រស់នៅផ្ទះលេខ ២០០អា ផ្លូវ៥០៨ សង្កាត់ផ្សារដើមថ្កូវ ខណ្ឌចំការមន ត្រូវបានសាច់ញាតិ រាយការណ៍ ត្រូវជនមិនស្គាល់់មុខ ចាប់ជំរិត ទារ២ម៉ឺនដុល្លារ កាលពីប៉ុន្មានថ្ងៃមុន ដោយនាំខ្លួនឆ្ពោះ ទៅកាន់ខេត្ដ ព្រះសីហនុ ប៉ុន្ដែត្រូវបានសមត្ថកិច្ច រកឃើញ នៅចំណុចពយកំពីង កាលពីព្រឹកមិញ ហើយបញ្ជូន ទៅសង្គ្រោះនៅមន្ទីរពេទ្យ។

ផ្តល់សិទ្ធដោយ ដើមអម្ពិល