បន្ទាយមានជ័យ៖ ស្រ្តីវ័យចំណាស់ម្នាក់ ពេលដឹងខ្លួនថា មានកើតជំងឺមហារីកថ្លើម ក្នុងខ្លួនក៏ដាច់ចិត្ត យកកន្សែងចងក សម្លាប់ខ្លួន ក្នុងបន្ទប់ទឹក ស្លាប់ចោលប្តីនិង កូន៧នាក់ នៅវេលាម៉ោង១២ និង៤០ ថ្ងៃត្រង់ នៅថ្ងៃទី១៥ ខែមិថុនា ឆ្នាំ២០១៥ នៅភូមិខ្លាកូនចាស់ សង្កាត់កំពង់ស្វាយ ក្រុងសិរី សោភ័ណ ខេត្ត បន្ទាយមានជ័យ។

លោក ស៊ីវ សុជាតិ អធិការនគបាលក្រុងសិរីសោភ័ណ បានឲ្យដឹងថាជនរងគ្រោះ មានឈ្មោះ ព្រីម មុំស្រី អាយុ ៥៣ឆ្នាំ មានប្តីមានឈ្មោះ អ៊ឹម ស៊ីម អាយុ៥៩ឆ្នាំ មានកូនប្រុស-ស្រី ៧នាក់  សព្វថ្ងៃរស់នៅ ភូមិកើតហេតុខាងលើ។

ក្រោយពីកើតហេតុសមត្ថកិច្ចបាន ធ្វើកោសល្យវិច័យ លើកសពស្ត្រីរងគ្រោះ បានសន្និដ្ឋានថា សពស្ត្រីខាង លើនេះ ពិតជាធ្វើអត្តឃាត ចងក សម្លាប់ខ្លួនឯងពិតប្រាកដមែន៕

ផ្តល់សិទ្ធដោយ ដើមអម្ពិល