កំពង់ចាមៈ យោងតាមមន្ត្រី នគរបាលស្រុកបាធាយ បានបញ្ជាក់ថា កាលពីវេលាម៉ោង ៦ និង២០នាទី ល្ងាចថ្ងៃទី១៥ ខែមិថុនា ឆ្នាំ២០១៥ មានករណីគ្រោះថ្នាក់ចរាចរមួយ បានកើតឡើងនៅ ចំណុចស្ពានដែក លើកំណាត់ផ្លូវជាតិលេខ ៦ ក្នុងភូមិបាធាយ ឃុំបាធាយ ស្រុកបាធាយ ខេត្ត កំពង់ចាម ដែលបង្កឡើង ដោយរថយន្តស្ទួចមួយគ្រឿង ពាក់ស្លាកលេខ ភ្នំពេញ 3B-9688  បានបើកកៀ អ្នកបើកម៉ូតូ ដឹកត្រកួនលក់ បណ្តាល ឲ្យដួល កិនស្លាប់ភ្លាមៗនៅកន្លែងកើតហេតុតែម្តង។

មន្ត្រីនគរបាលបានបញ្ជាក់ថា ខណៈដែលជនរងគ្រោះ កំពុងបើកម៉ូតូរឺម៉កដឹកត្រកួននោះ រថយន្តស្ទួច បានធ្វើដំណើរ បញ្ច្រាស់ទិសគ្នា ហើយ បានបុកជនរងគ្រោះបណ្តាលឲ្យស្លាប់  រួចបើករត់ គេចយករថយន្ត ទៅទុកចោល នៅដីវាលមួយកន្លែង ក្នុងភូមិសាស្រ្តក្បែរនោះ ។ ភ្លាមៗនោះ កម្លាំងនគរបាន ដេញតាម ពីក្រោយ ឃាត់បាន រថយន្តបង្ក  ប៉ុន្តែអ្នកបើករថយន្ត ដែលមិនទាន់ស្គាល់អត្តសញ្ញាណ បានរត់គេចខ្លួនបាត់។

ក្រោយកើតហេតុកម្លាំងនគរបាល បានចុះទៅដល់ភ្លាមៗ ដើម្បីជួយអន្តរាគមន៍ និងទាក់ទង ទៅក្រុមគ្រួសារ មកទទួល សពទៅធ្វើបុណ្យ តាមប្រពៃណី ។ ចំណែកមធ្យោបាយទាំងសងខាង ត្រូវបានយកទៅរក្សាទុក នៅអធិការដ្ឋាននគរបាលស្រុកបាធាយ រង់ចាំដោះស្រាយបន្ត និងស្វែងរកជនបង្ក យកមកផ្តន្ទាទោសតាមផ្លូវច្បាប់៕

ផ្តល់សិទ្ធដោយ ដើមអម្ពិល