បាត់ដំបង៖ សមត្ថកិច្ចនគរបាល ស្រុកភ្នំព្រឹក បានឃាត់ខ្លួនយុវជនម្នាក់ កាលពីល្ងាច ថ្ងៃទី១៤ ខែមិថុនា ឆ្នាំ២០១៥ ពីបទរំលោភ សេពសន្ថវៈ លើក្មេងស្រីអាយុ៧ឆ្នាំ បន្ទាប់ពីជនសង្ស័យ បានប្រព្រឹត្តចាប់រំលោភ នាងរងគ្រោះ កាលពីវេលាម៉ោង ១៨និង៣០នាទី ល្ងាចថ្ងៃដដែល នៅលើផ្ទះជនរងគ្រោះ ត្រង់ចំណុចក្រុមទី៧ ភូមិថ្នល់បត់ ឃុំអូររំដួល ស្រុកភ្នំព្រឹក រួចគេចខ្លួនបាត់។

លោក សារ៉េត វិសេដ្ឋ អធិការរង នគរបាលស្រុកភ្នំព្រឹក បានឲ្យដឹងថា ជនសង្ស័យដែល សមត្ថកិច្ចឃាត់ខ្លួនបាន មានឈ្មោះ ពត វុធថា ហៅ កាស ភេទប្រុស អាយុ១៩ឆ្នាំ រស់នៅភូមិឃុំខាងលើ។ ចំណែកក្មេងរងគ្រោះ មានអាយុ៧ឆ្នាំ រស់នៅភូមិ ជាមួយគ្នាខាងលើ។ លោក សារ៉េត វិសេដ្ឋ បានបញ្ជាក់ថា មុនពេលកើតហេតុ ជនសង្ស័យបាន នាំបក្ខពួកមាន គ្នា៣នាក់ អង្គុយផឹកស្រាថ្នាំ អស់៣ដប នៅក្រោមដើមស្វាយ ពេលផឹករួចហើយ ខ្លួននិងបក្ខពួក បាននាំគ្នាជិះម៉ូតូ មកផ្ទះក្មេងរងគ្រោះ ហើយដេករៀងខ្លួន ចំណែកជនសង្ស័យ ពេលនោះ ក៏បានដេកអង្រឹង លេងជាមួយក្មេងរងគ្រោះ ចាប់ឱបថើបលេង លុះឱបយូរទៅក៏មាន អារម្មណ៍ចង់រួមភេទ ហើយក៏ខ្នាញ់នាង ចាប់ផ្តើមចាប់ ឱបរឹតខ្លាំងៗ ធ្វើឲ្យនាងស្រែកយំ ជនសង្ស័យឃើញ ក្មេងរងគ្រោះយំ ក៏យកដៃវាយ ទៅលើនាង១ដៃ ចំក្បាលពោះ ហើយខ្ទប់មាត់ ចាប់សម្រាតខោ រួចស្រាតខោខ្លួនឯងដែរ ដោយយកប្រដាប់ ភេទខ្លួនដាក់ចូល ក្នុងប្រដាប់ភេទនាងបាន ជម្រៅប្រហែល ១ថ្នាំងដៃ ធ្វើឲ្យនាងយំ កាន់តែខ្លាំង និងមានធ្លាក់ឈាមផង ពេលនោះម្តាយ នាងចូលមកក៏សួរថា អាណាចាប់រំលោភកូនអញ ជនសង្ស័យក៏បាន ឆ្លើយបដិសេធថា មិនដឹងទេ ហើយក៏ដឹកកូន យកទៅពេទ្យ ភ្លាមៗនោះខ្លួន និងបក្ខពួក ក៏បានឌុបគ្នា ទៅមើលនាង នៅពេទ្យដែរ ហើយក៏គេចខ្លួន មកដេកបាត់ទៅ ក្រោយមកស្រាប់តែ មានសមត្ថកិច្ច មកឃាត់ខ្លួននាំ យកមកអធិការ ស្រុកតែម្តង។

ជនសង្ស័យបាន ឆ្លើយសារភាពថា ខ្លួនពិតជាបាន ចាប់រំលោភនាង ពិតប្រាកមែន។ បច្ចុប្បន្នសមត្ថកិច្ចជំនាញ បានកសាងសំណុំរឿង ដោយចោទពីបទ រំលោភសេពសន្ថវៈ លើអនីតិជន រួចបញ្ជូនខ្លួន ជនសង្ស័យ ទៅស្នងការខេត្ត ដើម្បីចាត់ការ បន្តតាមច្បាប់៕

ផ្តល់សិទ្ធដោយ ដើមអម្ពិល