ភ្នំពេញ៖ យុវជនម្នាក់ ត្រូវរយន្តធុនធំ មួយគ្រឿង បើកជ្រុលមកបុកហើយ កិនបណ្តាលឲ្យ បាក់ដៃបាក់ជើង និងបែកក្បាល ម្ខាងខ្ទាតចេញ ប្រហែល២០ម៉ែត្រ ពីខ្លួនស្លាប់ៗ នៅនិងកន្លែង កើតហេតុ ចំណែក រថយន្តបង្កវិញ បានព្យាយាមបើក គេចខ្លួនបាត់ ។ ហេតុការណ៍នេះ បានកើតឡើង កាលពីវេលាម៉ោង ២និង៣០នាទី ថ្ងៃទី១៥ ខែមិថុនា ឆ្នាំ២០១៥ ស្ថិតនៅតាម បណ្តោយផ្លូវជាតិ លេខ៣ ភូមិក្រាំងដូនទ័យ សង្កាត់ចោមចៅ ខណ្ឌពោធិ៍សែនជ័យ ។

បើយោងតាមស្ត្រីម្នាក់ ដែលអះអាងថា ជាម្តាយរបស់ ជនរងគ្រោះនោះ បានឲ្យដឹងថា ជនរងគ្រោះឈ្មោះ អោម សុវណ្ណារ៉ា ភេទប្រុស អាយុ២២ឆ្នាំ មានមុខរបរ ជាអ្នកបើកបររថយន្ត ស្នាក់នៅក្នុងបុរី សន្តិភាព២ ភូមិដំណាក់ ត្រយឹង សង្កាត់ចោមចៅ ខណ្ឌពោធិ៍សែនជ័យ ជិះម៉ូតូមួយគ្រឿង ម៉ាកគ្លីក ពណ៌ក្រហមលាយស ពាក់ស្លាកលេខ បន្ទាយមានជ័យ 1I-1215 ចំណែករថយន្តបង្កវិញ ពុំបានគេស្គាល់ ម៉ាកនោះទេ។

អ្នកឃើញហេតុការណ៍ បាននិយាយថា មុនពេលកើតហេតុ ជនរងគ្រោះ ជិះម៉ូតូម្នាក់ឯង ក្នុងទិសពីជើងទៅត្បូង លុះដល់ ចំណុចកើតហេតុ ស្រាប់តែមាន រថយន្តធុនធំ មួយគ្រឿង មិនចាំម៉ាកបើកបរ ក្នុងល្បឿនលឿន បានជ្រុលមក បុកជនរងគ្រោះ យ៉ាងពេញទំហឹង និងកិនបណ្តាល ឲ្យស្លាប់ភ្លាមមួយរំពេច ដោយបែកក្បាល ខ្ទាតមួយចំហៀង ចេញពីខ្លួន ប្រហែល១០ម៉ែត្រ រីឯរថយន្តបង្កវិញ ព្យាយាមបើក គេចខ្លួនបាត់។ ភ្លាមៗនោះនគរបាលបាន ចុះទៅដល់ នាំយកវត្ថុតាងមករក្សារទុក ចំណែកសាកសព ត្រូវប្រគល់ឲ្យក្រុមគ្រួសារ យកទៅធ្វើ បុណ្យតាមប្រពៃណី ៕

ផ្តល់សិទ្ធដោយ ដើមអម្ពិល