រាជធានីភ្នំពេញ ៖ ប្រភពពីអ្នកឆ្លើយឆ្លង ព័ត៌មានកោះសន្តិភាព បានអោយដឹងថា នៅព្រឹកនេះ ថ្ងៃទី១៥ មិថុនា ២០១៥ សមត្ថកិច្ច បានមូលមតិគ្នា បង្កើតជាគណៈ កម្មាចម្រុះ ដើម្បីធ្វើការ ស្រាវជ្រាវ ករណីបាញ់សម្លាប់ ជនរងគ្រោះ ឈ្មោះ ឡោ សុភាព នៅក្នុង ហាងគុយទាវ ឆ្នាំងភ្លើង សឹងហ៊ឹភ្នំពេញ កាលពីវេលាម៉ោង៧ និង៤៥នាទីយប់ ថ្ងៃទី១៤ មិថុនា ២០១៥ ។

ប្រភពព័ត៌មាន បានអោយដឹងទៀតថា សមត្ថកិច្ចកំពុងតែ ដុតដៃដុតជើង ស្វែងរកឃាតករ ដែលបាញ់សម្លាប់ ជនរងគ្រោះ ព្រមទាំងធ្វើការ ស្រាវជ្រាវ យ៉ាងហ្មត់ចត់ និងត្រូវហៅសាក្សី ដែលនៅកន្លែង កើតហេតុ មកធ្វើការបំភ្លឺ និងចង្អុលបង្ហាញ ប្រាប់ដល់សមត្ថកិច្ច ថែមទៀតផង ។

ផ្តល់សិទ្ធដោយ កោះសន្តិភាព