ភ្នំពេញ៖ បន្ទាប់ពី អតីតតារាសម្តែង អ្នកនាង ដាញ់ មូនីកា បានរៀបការរួចមក នាងបានផ្តាច់ខ្លួន ចេញពីសិល្បៈ ដោយគ្មានស្តាយស្រណោះ បន្តិចសោះ ហើយទៅរស់នៅ ជាមួយនឹងស្វាមី នៅលើទឹកដីអូស្ត្រាលី យ៉ាងមានសុភមង្គលបំផុត។

តារាសម្តែងសម្បុរស្រអែមរូបស្រស់ម្នាក់នេះ បានសាងជីវិតគ្រួសារ យ៉ាងរីករាយនៅប្រទេសអូស្រ្តាលី ហើយក៏មានចំណងដៃអាពាហ៍ពិពាហ៍ កូនស្រី គួរឲ្យស្រឡាញ់ម្នាក់ផងដែរ។ បើក្រឡេកមើល គណនីហ្វេសប៊ុករបស់អ្នកនាង ដាញ់ម៉ូនីកានាងកំពុងតែពរពោះ កូនទី២ ដែលមើលទៅ ប្រហែលជិតគ្រប់ខែ ព្រោះថាពោះ កាន់តែធំហើយ។ ចំពោះកូនក្នុងផ្ទៃរបស់នាង សាមីខ្លួនមិនទាន់ បានបញ្ជាក់ច្បាស់នោះទេ ថាបានកូនប្រុស ឬកូនស្រី។

ទោះបីជានាង ជិតមានកូនទី២ក៏ដោយ ប៉ុន្តែសម្រស់របស់នាងវិញ នៅតែក្មេងជាងវ័យ ស្រស់ស្អាត ដដែល មិនជ្រីវជ្រួញ ហើយថែមធ្វើឲ្យអ្នកគាំទ្រ ជាច្រើននាក់ សរសើរថានាងពិតជាពូកែថែសម្ផស្ស ខ្លាំងណាស់ មិនដូចនឹងស្រ្តីមួយចំនួន ដែលពួកគេមានកូនហើយ សម្រស់ក៏ជ្រេរ តាមហ្នឹង ផងដែរ៕