រាជធានីភ្នំពេញ ៖ កាលពីវេលាព្រឹក ថ្ងៃទី១៣ មិថុនា ២០១៥ នេះ ក្រុមហ៊ុនរបស់ កូរ៉េមួយនៅ ខាង ក្រោយកាំកូស៊ីធី បានប្រើកម្លាំង សន្តិសុខ របស់ខ្លួន ដែលមានគ្នា១០នាក់ ប្រដាប់ដោយ បំពង់ទីប និងដំបងថ្នាំងអំពៅ មកធ្វើការវាយ របងដែក ដែលមាននៅលើដី ដែលអះអាងថា របង ទាំងនោះបាន រំលោភលើដី របស់ពួកគេ ។

ប្រភពបានឱ្យដឹងថា ការវាយរបងទាំងនោះ បានធ្វើឱ្យប៉ះពាល់ ដល់ផ្ទះរបស់លោក អភិបាលរងខណ្ឌ ទួលគោក គឺលោក ប៉ាង លីដា ផងដែរ ដែលត្រូវ ក្រុមគ្រួសារ របស់លោកអះអាងថា ក្រុមហ៊ុនកូរ៉េ ខាងលើនោះ បានរំលោភយកដីរបស់ គាត់កន្លះហិកតា ទៅហើយ និងបានរំលោភ យកដីប្រជាពលរដ្ឋ ក្បែរនោះចំនួន ១២គ្រួសារទៀតផង ។

ពាក់ព័ន្ធបញ្ហាអស់ទាំងនេះ ត្រូវបានលោកប៉ាង លីដា ធ្វើលិខិតសុំទៅ សម្តេចនាយកឱ្យជួយអន្តរាគមន៍ ហើយ ខណៈដែលលោកដឹងថា សម្តេចបាន ចារលិខិត រួចហើយ តែត្រូវអាជ្ញាធរ អត់យកមកដោះស្រាយ ជូនពួកគាត់នោះទេ ៕

ផ្តល់សិទ្ធដោយ កោះសន្តិភាព