កណ្តាលៈ បុរសម្នាក់បានស្លាប់ភ្លាមៗ នៅកន្លែងកើត បន្ទាប់ពីត្រូវបានគោយន្ត គ្មានបំពាក់ភ្លើង សម្រាប់ បំភ្លឺផ្លូវ មួយគ្រឿង បើកបុក ។ ហេតុការណ៍នេះបានកើតឡើង នៅ វេលាម៉ោង ១៨.៥៧នាទី ថ្ងៃទី១២ ខែមិថុនា ឆ្នាំ២០១៥ នៅចំណុចផ្លូវលេខ១២១០ ភូមិអម្ពិលសាស់ ឃុំក្រាំងយ៉ូវ ស្រុកស្អាង ខេត្តកណ្ដាល ។

តាមប្រភពព័ត៌មានបានឲ្យដឹងថា ជនរងគ្រោះមាន ឈ្មោះ អាន មុន្ថា អាយុ៤៧ឆ្នាំ មុខរបរ កសិករ បើកម៉ូតូ ម៉ាកសង់កូរ៉េ ពណ៌ក្រហម គ្មានស្លាកលេខ (មិនពាក់មួក) មានទីលំនៅ ភូមិព្រែកភូមិព្រែក ឃុំត្រើយស្លា ស្រុកស្អាង ខេត្តកណ្ដាល បានស្លាប់ភ្លាមៗ នៅកន្លែង កើតហេតុ។ ចំណែកជន បង្កបានរត់ គេខ្លួនបាត់ បន្សល់ទុកគោយន្តនៅ កន្លែងកើ តហេតុ។

ប្រភពដដែលបានបន្តឲ្យដឹងទៀតថា នៅមុនពេលកើតហេតុ គេឃើញគោយន្តបង្កដឹកឈើ ពេញ និងម៉ូតូជនរងគ្រោះ បើកក្នុងទិសដៅច្រាស់ទិសគ្នា លុះមកដល់ចំណុចកើត ដោយ គោយន្ត មិនមានបំពាក់ភ្លើង សម្រាប់បំភ្លឺផ្លូវ និងគ្មានចំណាង ផ្លាតនោះ បានបុកទៅម៉ូតូ សង់កូរ៉េ បណ្តាលឲ្យអ្នក បើកម៉ូតូ ដែលមិនមានពាក់មួកសុវត្ថិភាពផងនៅ  ស្លាប់ភ្លាមតែម្តង។ ចំណែកម៉ូតូរង ការខូចខាតធ្ងន់ និង គោយន្ត រងការខូចខាតស្រាល។

បច្ចុប្បន្ន សពត្រូវបាន ប្រគល់ជូន ក្រុមគ្រួសារយក ទៅធ្វើ តាមប្រពៃណី ចំណែកគោយន្ត និងម៉ូតូ ត្រូវបានយក មករក្សាទុក នៅអធិការដ្ឋាននគរបាលស្រុកស្អាង ដើម្បីចាត់ការ ទៅតាមផ្លូវច្បាប់ ។

ផ្តល់សិទ្ធដោយ ដើមអម្ពិល