ភ្នំពេញ ៖ មន្រ្តីនគរបាល ប៉ុស្តិ៍ច្បារអំពៅទី២ ខណ្ឌច្បារអំពៅ បានឲ្យដឹងថា មានកម្មករ ផ្សារដែកម្នាក់ បានធ្លាក់ពីលើសំណង់ ដែលកំពុង សាងសង់កំពស់៥ម៉ែត្រ កាលពីវេលាម៉ោង ៤៖៣០នាទី រសៀលថ្ងៃទី១០ ខែមិថុនា ឆ្នាំ២០១៥ បណ្តាលឲ្យរបួសធ្ងន់ ។

មន្រ្តីនគរបាល បានបញ្ជាក់ថា ករណីខាងលើនេះ បានកើតឡើង ស្ថិតនៅផ្ទះលេខ65 ផ្លូវ622 ក្រុម2 ភូមិ កណ្តាល សង្កាត់ច្បារអំពៅ២ ខណ្ឌច្បារអំពៅ។

បើតាមមន្រ្តីនគរបាល ជនរងគ្រោះ មានឈ្មោះ ង៉ន់ លាង អាយុ១៩ឆ្នាំ មានទីលំនៅសង្កាត់ដង្កោ ខណ្ឌដង្កោ។  បច្ចុប្បន្ន ជនរងគ្រោះ កំពុងសំរាក ព្យាបាល នៅមន្ទីរពេទ្យបង្អែកច្បារអំពៅ៕

ផ្តល់សិទ្ធដោយ ដើមអម្ពិល