ភ្នំពេញៈ បុរសដែល ជានាយទាហានម្នាក់ បានដួលសន្លប់ស្តូកស្តឹង ក្រោយពីបានបើកម៉ូតូទាំងស្រវឹង ទៅបុកបង្កាន់ដៃស្ពានអាកាសស្ទឹង មានជ័យ បណ្តាលឲ្យរងរបួសធ្ងន់  នៅវេលាម៉ោង ៨ និង ៥០នាទី ស្ថិតនៅលើស្ពានអាកាស ស្ទឹងមានជ័យ ភូមិបឹងសាឡាង សង្កាត់បឹងសាឡាង ខណទួលគោក។

ជនរងគ្រោះត្រូវបានគេស្គាល់ថា ជានាយទាហាន ឈ្មោះ អ៊ិត បូណា អាយុ ៤៥ឆ្នាំ រស់នៅភូមិកំពង់់លូង ឃុំអង្គរបុរី ស្រុកព្រៃកប្បាស ខេត្តតាកែវ បានបើកម៉ូតូមាកឃ្លីក ពាក់ស្លាកលេខ ភ្នំពេញ 1BD-2992 ជិះក្នុងភាពស្រវឹង បានបើកចុះពីស្ពាន បុកបង្កាន់ដៃស្ពានរងរបួស សន្លប់ស្តូកស្តឹង នឹងពុំទាន់ទាក់ទង ទៅបងប្អូនបាននៅឡើយទេ។

ដោយឃើញសភាពធ្ងន់ធ្ងរពេក ទើបខាងមន្ត្រីនគរបាលប៉ុស្តិ៍ បឹងសាឡាង ហៅខាងឃ្លីនិច ឃឹមរ៉ានី នៅទួលគោក ដឹកយកទៅសង្គ្រោះ ចំណែកម៉ូតូត្រូវបាន យកទៅរក្សាទុកអោយ ដើម្បីដោះស្រាយតាម នីតិវិធីច្បាប់៕

ផ្តល់សិទ្ធដោយ ដើមអម្ពិល