ភ្នំពេញ៖ តារាចម្រៀងស្រី ដ៏ល្បីឈ្មោះ ប្រចាំផលិតកម្មហង្សមាស អ្នកនាង ពេជ្រ សោភា ត្រូវបាន អ្នកគាំទ្រ ធ្វើពិធីខួបកំណើតឲ្យនាង។

កាលពីម្សិលមិញនេះ តារាចម្រៀងស្រីរូបនេះ បានបង្ហោះរូបភាព ក្នុងថ្ងៃខួបកំណើតរបស់នាង ជាមួយនឹងនំខេកធំមួយ ចូលក្នុងបណ្តាញសង្គម ហ្វេសប៊ុក ដោយបានសរសេរថា "អរគុណណាស់ អ្នកគាំទ្រទាំងអស់របស់ខ្ញុំ សម្រាប់ថ្ងៃនេះ"។ បើក្រឡេកមើល រូបថតនោះ គឺអ្នកគាំទ្រ បានរៀបចំ និងសម្រិតសម្រាំង បានយ៉ាងល្អ ក្នុងថ្ងៃខួបកំណើតរបស់ តារាស្រីក្នុងដួងចិត្តពួកគេ ប៉ុន្តែពួកគេ បានដាក់ថ្ងៃលើនំខេក គឺថ្ងៃ៩ ខែមិថុនា ទំនងប្រហែល ជាធ្វើមុនថ្ងៃឲ្យនាង។

មិនតែប៉ុណ្ណោះ អ្នកនាង ពេជ្រ សោភា ហាក់ដូចជា សប្បាយរីករាយយ៉ាងខ្លាំង ដោយបានបញ្ចេញ ស្នាមញញឹម យ៉ាងស្រស់ស្រាយ នៅពេល អ្នកគាំទ្រ បានបង្កើតកម្មវិធី ខួបកំណើតមួយ សម្រាប់នាង ជាពិសេសបែបនេះ៕

រូបថត អ្នកនាង ពេជ្រ សោភា ធ្វើពិធីខួបកំណើតឲ្យ

ប្រភព ហ្វេសប៊ុក

ដោយ៖ កា

ខ្មែរឡូត